توني فزيت وطلع شوكج حلم
توني ، فزيت وطلع شوگج ، حلم
ابالي هجرج ، گاعد اموادع يلم
وينج انتي ؟
يل مشيتي بلايه رجعه
ليش ؟
گلتيلي تجيني
وگلبي يعرف ما تجين
انه ادري الشوگ كافر بس عليج الشوگ دين
راح اصليلج سوالف
وگعد ادعي بجف صفنتي
ربي ردهه
بجاااه جرحي الليله ردهه
ربي حلفتلي بشجرتك
من تحن تحن اليه
غيري ما بالراس عدهه
ربي اخاف بحضن غيري الليله طاحت
طفله وتخاف لوحدهه !!
ربي سويني ...حرز. ..شباج امام
من تجيني بروحي اشدهه
اااه يا جمرة محنه شلون تطفه
توج دليلي
شما صبر هجرج خمدهه
بيش اسدن عين بالي وما اشوفج
وانه سهله
عيون وجهي امن ارد اسدهه
كون طيره الحسره تطلع
ااه يا طيرة حسرتي
بالسمه تلالي شبعدهه
وكون ياطيف النريده يطيح يمنه
نمدله ادينه
موش وكت المغربيه نحط دعاويها ونمدهه
وينج انتي
شفافي نحله
ومشتهي خدودج شهدهه
بيش اسيرلج يروحي الروح ذبلت
وبيها گد نفسين حدهه
وينج انتي
شگد كتلتلي بروحي واهس
ودي لهل الشوگ ديه
يا سعف ، حضنج نساني شلون ينسه؟
ويا حسافه
ما ذكرني شلون انام بعين فيه
وينج انتي الماي يعطش من اذكرج
ماي عطشان اعله ميه
وهاي هيه
قررت من عين باجر
راح اسد اكتاب شوگي
وطوي للما جاي طيه
ولنه جاهل فز دليلي
تحجي بعيونه البوذيه
هجرج ما طلع للحين حد باه
ودليلي شجم عذل منشار حدباه
اخبرج شوفي طلعت بيه حدباه
كثر ما دورت لهواج جيه
علي كاظم الصبيحاوي
رد مع اقتباس
