هنا

[علي الشمري]

اصدق حب واروعه هو
....الحب في زمن التوله ........
حب كبل


بالك لا تعتني انطيح انه وياك ...... لان كلي اويه كلك انه متمشكل
وخل يكتلني سهمك لو رميت اسهام .......ايطيح السهم بيك وبيك اظن تكتل
عدل وياك اعيش اتموت اموت وياك ........من تنصفني تظلم بالظلم تعدل
وما اختل ابسدك انه بيك انشاف ......يل تنشاف بيه اشما ردت تختل
نشدوا عني عنك عني جان اوياك .......يل عنك اوياي ابكل مصيبه ايحل
موش اثنين احنه وواحد انا اوياك ....... واحدنه اعله واحد واحد يكمل
يل بستان طولك والورد غاطيك ........ يا تفاح عجمي ابطولك امجلجل
كل شعره كصيبه اعله المتن تنشاف ...... باثه من الذهب فوك المتن سنبل
جفلت السكون ابمشيت البهداي ........ ومن بهداي مشيك انت هم تجفل
ينتلني نتل كلبي من اسولف بيك ....... حبك 1000 ميكا ابكل وكت ينتل

للشاعر الترف العم الغالي
سعدي العقابي

[zeto]

قصيدة حلوة ... الصورة هم حلوة

[ضياء الصافي]

الله الله والله راقي
شكراً للنقل المميز

[الصمت سيد الكلام]

الله

[علي الشمري]

قصيدة حلوة ... الصورة هم حلوة

شكرا لروعة تواجدك يا صديقي

غير تموت الصوره

[علي الشمري]

الله الله والله راقي
شكراً للنقل المميز

نورتني سيد
شلون الحب في زمن التوله

[علي الشمري]

الله

شكرا لروعة تواجدكم

[ضياء الصافي]

نورتني سيد
شلون الحب في زمن التوله

اويلي على التوله
اموت عليها

[علي الشمري]

اويلي على التوله
اموت عليها

مثلي