هنا

[.Diyaa Nawar]

ألشمس من أتغيب بالغربه صعبه ...
جندي ابشهر تموز شايله جعبه ...
======================

[.Diyaa Nawar]

ألشمس من أتغيب دمعاتي تنزل ...
والگلب جوزه أيصير من وحده يعزل ...
========================

[ضياء الصافي]

والله انت أصل الطيب وانت النبع بيه
ينتضرك بكل يوم يل تنشد عليه

بقليمي

[.Diyaa Nawar]

صدگوني من أشتاگ كل حيلي ينهد ...
حته ألضغط وياي يوميه يصعد ...
=======================

[.Diyaa Nawar]

صدگوني من أشتاگ حسراتي تزداد ...
بس أبصلابه وحيل ماخذهه بعناد ...
========================

[.Diyaa Nawar]

صدگوني من أشتاك تخنگني عبره ...
وألگلب صاير نار بيمن أصبره ...
=======================

[.Diyaa Nawar]

صدگوني من أشتاگ ماتغمض أعيون ...
صدگوني مامرتاح بالغربه مسجون ...
=======================

[.Diyaa Nawar]

أحلامي مو أحلام أحلامي تسعد ...
بس ألوكت حالوب والدنيا ترعد ...
=====================

[.Diyaa Nawar]

أحلامي مو أحلام أحلامي سهله ...
وألدنيا ليش أوياي ماترضه تحله ...
=====================

[.Diyaa Nawar]

أحلامي مو أحلام أحلامي مالت ...
وألدمعه فوگ أخدود من عيني سالت ...
======================