لو شح بحـــر بشعاري ماني مــــــــــــــوشح
وبوشـــــــاح حب اصحابي دوم مــــــوشح
مــــــرّخصت التجلـــيبة وي لمـــوشح
عاجبني اقـــــــــــرة اليـــوم وزن الميمــــــــــــر
يا ولفي لاتزعل ولك بستاني
خدك لذيذ وهالسبب بستاني
علبوسة فصلك وشتغل بستاني
عد والـــــــدك بس لا تروح مكـــــدّر
عد والدك فلّاح اصيرن وردة
وبحجة استفقد زرعكم وردة
اتدنّة لشّباج واشمر وردة
صوبك وحرجك بين اهلك يسمر
ولو صاحو اهلك ياهو الرامانة
راح آنة كلهم بلغلط رامانة
شفت بغصن رمانة يم رمانة
ورميت وردة وخد غصنكم حمــّر
بس الصدك مو وردة شامر روحي
كتّلهة ذن اغصان ولفج روحي
جنة وحلال عليج سرحي وروحي
مادام شرط الضوك رمان احمـــر
جن روحي صيدة وجلّبت بشباجك
وكحة وتعاند لا تفل اشباجك
فلّاح وازرع كلبي يم اشباجك
وتدري الزرع يتسلق شما خظّـــر
يتسلق بنومك يطب الغرفة
طبة بلم وبشاطي يلعب غرفة
لتضنه يقنع بلعسل بس غرفة
كلك يبوكك حتى دفو المندر
خالدالسعد
رد مع اقتباس
أهلاً وسهلاً نورت