هنا

[خالدالسعد]

هي حياتك التي رسمتها بيدك
لم يرسمها رساما غيرك
فلا تلعن الاصباغ والألواح يوما
لا احد مسؤولا عن تعمدك في اضاعة قاربك
فأنت من رماه اكراما لعواطفك الغبية
بل عارا عليك ان تبحث عنه بعد عقودا من العواصف
بل عار عليك ان تأكل من ارض تقيئت عليها يوما كرها
انت المسؤول عن شراعك
فلا تلعن الزمن
ولا الخلان
بل كل ما اصطادته شبكتك صمتا

[خالدالسعد]

تصير انت اجتماعي وحيل محبوب
اذا تتوالم وي اهل التفاهات
اصلا يسمونك اريحي بساع
وابو دم الخفيف بكل الاوقات

[خالدالسعد]

بروحي ضلت ذيچ ايام الصغر
وبعباية جدي نلتم العصر
من دفوها البي محنة يفوح للكوسر عطر

اااخ ياذيچ المحنة ابيت جدي
وين راحت
وبينا شمركض العمر
بروحي موگد ذكريات
و قوري خادر عالجمر
وحرملات مشمرة يمه
و جدر روبة
وعنبر المغرب يفوح بكل كتر
وصوت حولية على امها
وقمصلة امعلگة على باب ملثگة طين
الطين حري وبي تعب فلاح ظهره منكسر
وحدر كل چرباية تلكة مراصف اتناك التمر
و المطر من ينزل
يطك بالحنطة طيب
وسور طين يعط عبيره بكل شبر
وياسوالف جدي
الماتملها لو يكررها شكثر
اااخ يا ركض العمر