هنا

[مهدويّة.❀]

نذم المو وفي وكلحّــــــنا بذاتيــــــن
اليضحي بنفسه النة المغـــرب اننكرة
الشمس تحرك نفسهة لحتى تضوي الناس
ونتركهــة ونروح نغازل الكمــــــــــــرة
.
.
خالدالسعد

عظيم .!!

سطورٌ عطِرة ، دامَ نبضُك أخ خالد

متابعة لـ أوراقك ؛ بعد إذنك

[خالدالسعد]

عظيم .!!

سطورٌ عطِرة ، دامَ نبضُك أخ خالد

متابعة لـ أوراقك ؛ بعد إذنك

يدوم عزك
نورني مرورك اهلا بك وبمتابعتك العطرة

[خالدالسعد]

آني الهوى
والخنكة ..
والسم .. والدوا
واحضين بيه انت انطوى
وابليس اذا وكتي غوى
و عذيبي للرايد هوا
مازيد
لا انكص شبر
عام والف عام اليجي
تلكاني نفس المستوى
نفس الغلاف التعرفه
فهرست ما شايل دغش
لا غيرت بالمحتوى
هذاني طبعي المسطرة
تباعدنا او جنا سوى
طر ليل موحش وحّدك
غصبا على اخشيمك اضل
في هندس احوالك ضوا
لا تعتقد
لمن ترد
للنخلة من بعد الهجر
تلكه تمر
يادوب تلكالك نوى
ذيب الموادع للأبد
وبراسي وبراسك عوى


خالد السعد

[خالدالسعد]

لست على مايرام
لا مزاج لي لشيء .. لا لنقاشات . ولا لمحادثة احد . ولا لعتاب .
لم يعد يهمني غياب او حضور احدهم
لا اكتب لأحد
ولا اقرأ لأحد
ولا يذكرني شيء بأحد
كل احاسيسي في موسم انجماد

[خالدالسعد]

انا المارخصت صاحب
وانا الماكصرت لأحد
وانا الناشد على الغايب
وانا الماماشي جزر و مد
وانا الي جفي ماساحب
من جف الا وهو ابعد
وانا الحالف بهالشارب
ماعاشر كلب اسود

....
خالدالسعد

[خالدالسعد]

بعد هيهات نرجع مثل الاول
وسوك اشواكنا من ازمان عزّل
شجنت تشوفني وشجنت اشوفك راح
وعفنة الذكريات احجارة ع التل
وماعاد اهتمامي شضامة الايام
من جثر المطر ميخاف المبلل

[خالدالسعد]

لا كهربا لا ماي بس حر حياتيش
لا احنا مدفونين لا احنا بالعيش

[خالدالسعد]

معزلين
وعزّلت اشواكنة وذاك الحنين
ورحنا ضبرنا السوالف
كلها بجياس السنين
لا نريد اليشترينا
ولا لأحد مشترين
معزلين

[خالدالسعد]

على ياصفحة احطن صورة احداد
وعلي بيا وجه عيد اضحى من عاد
على طول البلد باوع قطع سود
وملابسنا بدما مطرزات وارماد
فوك جروحنا ودمعات الايتام
جرح الناصرية وجرح بغداد
على ياهي احطن صورة احداد ؟

خالد السعد

[خالدالسعد]

حافظ ماي وجهك
حافظ الطف زين
حافظ روحك من اهل الكلت والكال
حافظ مطر جنت بكرنة الصيهود
جفت وانت ماطر بيها شرجي شمال
كسرت ظهورنا الماتنكسر بالسيف
يا ثلمة شعرنة الما تسدها جبال
خسرنا شكد ربع وابجينا ياما دموع
بس اعظم خسارة بيوم نعشك شال
حافظ يالحفظت الخوة جربة ماي
شجاك وغربت يهلال رد يهلال
رد عاشور راد آخر قصيدة وياك
بس هاي القصيدة وانوي الترحال
وداعا حافظ الما شفنة منك سوء
غم الوكت هذا الاخذ هيج ارجال
خالد السعد