من كتلي ارد اروح وكتلك ابقى هنا
لاجل ناسك تضل .. هذا انا رايح
رحت بس روحة العاللوحة مرفوع
و رديت على كلبي هنانة طايح
ادور اعليه اجيت بلايا تفكير
انترس من ذكرياتك صعبة اعوفة
ويجوز احتاجك انت تدور وياي
لان بعيونك الحلوات اشوفه
من كتلي ارد اروح وكتلك ابقى هنا
لاجل ناسك تضل .. هذا انا رايح
رحت بس روحة العاللوحة مرفوع
و رديت على كلبي هنانة طايح
ادور اعليه اجيت بلايا تفكير
انترس من ذكرياتك صعبة اعوفة
ويجوز احتاجك انت تدور وياي
لان بعيونك الحلوات اشوفه
التعديل الأخير تم بواسطة خالدالسعد ; 6/February/2021 الساعة 10:28 pm
ياهو العلمك لعب وي الكبار
وشنهو الجابرك تجهب على النار
بعدك بالحياة اصفارة البيض
سامع كبل بيض وي الصكر طار ؟
يمعود لعبكم بيت بيوت
بعدك ماوصلت لدور والدار
رد للطك صفح حط راسك وياه
ترى القناص زحمة تعاكطة حجار
خالد السعد
تكاثر شيبنة وبرواحنا اطفال
واحنن ليك واحنن ليك واحنن ليك مثل راعي ويحن للناي
كلمن نوى عل ارحيل لا تلزم أيدة
والمايريدك يوم بالك تريدة
خالد
مايكدر على افراك ساعة ,, اليحبك
فالرايح الله وياه عوفة اليتعبك
الشقاء أن ينشطر الرجل إلى عقل وقلب ، العقل يلعن من يخون ...
والقلب يعفو ويسامح رغم الألم والعذاب مع من يحب ويكن له الحب العظيم ...
الله وياك
ولتكلّـة بعدما اسوة شي بلياك
فرصة انطاك اغلى من الذهب ولله
وبيدك ضيعتها وضيعت ممشــــــاك
من كَــّلك اروح آخر طلب شتريد ؟
ماتعرف تكَـلّة ابقالي اترجاك ؟
ماتعرف تكلّـة اكليبك المجروح
يحتاج لدواي وماكو غيري دواك ؟
ماتعرف تحلّفة ايتاني - بالعباس ؟
ماتعرف تكّــلة الموت هو جفــاك ؟؟
جا مطلبك يطلع كلمة الـ لتضوج ؟
هية الضوجة شنهي اقياسا بفركاك ؟؟
مو سهم الغدر بحشاه عرض بطول
و ايضم جرحه خاطر لا تصد عيناك
كلّة شيسويلك وانت اغبى انسان
مدري انت تتغابة و كتّلة الله وياك ؟
تتكبر عليه ماتعترفله اخطاء !!
وانت ذنوب كلك شقي وما اشقاك
و اتريده يرد الماي ولمجراه
وانت بكل صلافة حجار حط يمناك !!
عالمجرى .. ومشة وبخاطره المكسور
و يتظاهر مشة مرتاح من طرواك
اذّيته بكثر ماحطك بعيناه
وحتى بطبكة الرمشين ما اذاك
و مارد لك طلب وتعرفه كلش زين
اذا تبجي بحلم يعرف منو البجاك !!
واسأل ريحته البهدومك لهاليوم
منهو المنة اوفة ابين هذا وذاك؟
خاطر ينترك يرحل واهو المجروح
و ماتكدر تكلة ابقالي اترجاك ؟؟
راح ومايرد .. يالماعرفت شلون
تحضنه بقوة وتمانع رحيل اهواك
الله وياك
خالد السعد
( القصيدة خاصة وطلب لأحد الاصدقاء والله يعينه على بلواه هههه)
التعديل الأخير تم بواسطة خالدالسعد ; 18/February/2021 الساعة 8:34 pm
ماشفتك قبل متخيل المهره
اول مره اشوف كتاباتك جميل جداا
استمر ومتعنا
المهرة متخيلها قبل لا تجي اللاندكروز للعراق ههههههالمشاركة الأصلية كتبت بواسطة علي عبد المحسن
حبيبي انا من 2015 هنا بس اكطع و ارجع للتدخين ههه
منورني يالغالي اسعدني مرورك
رد مع اقتباس