قصة في القصيدة تحتاج قليلا من التركيز والــ( خلكَ )
ورّثني
واخذ بيا النفس حيل
وجمّرني واخذ كل روحي دخان
وخليني
بوحشتك من يجي الليل
تتن يحركَ تتن
ســـاعات الأحزان
واغنيــــــــلك
عتابات ومواويل
وسولف لك
قصص
مادام الك ذان
ونكَضي الليل
حد مايطلع سهيل
عن قصة شخص كل عمره حزنان
عن حظه
الكفخ يافوخه الويل
و غط راسه الوحل
وملطخ سيان
صبح من الصبح
شد مسرج الخيل
وكصد
عن حضه يبحث بين الأوطان
لاكَالة اسد بالوادي
انحيل
كلة وياك حضي تشوفة ينسان
بس جلد وعظم
ماضل بعد حيل
بيا ولا ضكت فد يوم
غزلان
كلّة ابشر...
مشة ...
وغادر الأسد ميل
مشة
لاكة عشيرة بلايا حصران
شكوله
الكاع ماتنبت ولا تحيل
بلكي وياك حضنه تشوفه يفلان
دك صدره التجيّة
و طرها بالليل
مشة أسبوعين
لاكة البحرهيجان
كَل للحوت
عبرني البحر شيل
كلّة شلون اعبرك وآني جوعان ؟
طفت الأطلســـي
وطبيت للنيل
عمري ماكدرت اصطاد كَطان
حلف له يجيب حضه
وعبره اعليل
عبر بحره
وكطع بيداء
كالجان
وصل يم عسكر
امسيّج
بالف فيل
وبعد باب الرئيسي
تسع بيبان
كالوا
احنا صارنّة ثنعش جيل
تفر جيوشنا
ورغم احنا فرسان
حضنه وياك
بلكت ينطي تعليل
و الك منا هدية
مية حصان
غادرهم فجر
بس يمشي ويميل
ينام بحفر رجلة الذيب
لو بان
وصل
بس حاله حال المالة تحليل
ولكة حضه
بحضيض الوحل
سكران
خذاه غسل ولبس
سوالة تجميل
كعد حضه
ورجع
بحضوض
فرحان
كال لقائد العسكر
يبو الخيل
لأن انت مرا
مو زلمة
خسران
جيشك
كلّة اسّتر علي
لتعيل
تعال القائد انت تصير
بالدان
وتزوجني خاطر نعدل الميل
و نخلف انا وياك
صبيان
رفض عرضه بلحضته وشد الارحيل
يكله الحظ كعد
ماريد تيجان
ومشة عنه وفرحته الكاع متشيل
رد للحوت
كلّه
مدلي السان
هاي الليرة تلمع بيك بالليل
بلسانك
فيشرد صيدك أطنان
فحضك
كلّي خلي ليرته يزيل
ذبهة
وبعد متضل يوم جوعان
كلّة الحوت
اخذهة
وجيبك يشيل
كله اسكت
كعد حضي يبطران
ركب عالحوت
دمعة فرحته تسيل
و ردّة ..
و للعشيرة
كصد فرحان
و كلهم كاعكم
بكنوها تميل
ذهب والماز
جوّاكم يغفلان
مايتبت جذر ذبّوا المناجيل
كالو له تعال وخذلك احفان
كال الحظ كعد
ما حاجة للذيل
رزقكم ذيل بنسبة الي الآن
رجع يم الأسد
جن رجعة الريل
لكاه باخر رمق
جوعان بردان
كلّة تأخرت يبن المناعيل
كلّة الأخراني
حظوظ الاخوان
وضل يقص عليه
كل القصص
سيل
كل العافة ذاكة و ردلة خجلان
القيادة والكنز والليرة ماطول
كعد حضي
رفضتهن
واني زهدان
كلة وحضي ؟
كلّة حضك ايكول
شفائك لزم تاكل
حالا انسان
شرط ابلا كَلب
وشوية مهبول
كلّة ابلا كَلب ؟؟
بس انت ينسان
عفت النِعم خلفك
وجيت مخبول
و كلاه الأسد لنّة ابلا كلب جان
خالد السعد
2008
رد مع اقتباس
المشاركة الأصلية كتبت بواسطة رحيق العطر
