هنا

[خالدالسعد]

لن يطــول صمــودك
سيلتفـــــون حـــولك
وتترك الجبل وتتجــه نحـــو الغنائم
شئت ام ابيت
فأنت في بلد المليـــون ثعلب
ومليــــون بئر نفط

[خالدالسعد]

لو رسول الله في ارض العراق
وصار بيه اللي جرى اعل احسيننة
جان مانمشي له مشيا عالجِـدام
جان مشيا عالرؤوس مشينا
المايلوح العنبة لا يسب الطوال
شجرة اهل البيت مو للزينة

خالد السعد

[خالدالسعد]

حبر اوراقي
صنع خصيصا للأجواء الباردة
فينصح عدم الاقتراب منه كي لا تمسك نار وقودها الشوق والسيجارة

[خالدالسعد]

كل زحف مكروه
الا الزحف نحو الحسين
(قُرًى ظَاهِرَةً وَقَدَّرْنَا فِيهَا السَّيْرَ سِيرُوا فِيهَا لَيَالِيَ وَأَيَّاماً آمِنِينَ )

[خالدالسعد]

فد مرة كاعد ع الدرب
مواعد صديقي وانتظر
مرّتني بت 13
كالت لي هم تكتب شعر ؟
كتّلهة اي وشعرّفج
كالت لي بكصتك شفت
مكتوب كل شاعر فكَـــر !

من دفاتري القديمة
خالد السعد

[عضويه 293]

حلوو
متابعه

[خالدالسعد]

مامــــش صـــوت
أخــرس هــّزمن
واليحجـــي بس المــوت
و تحتضر البلابل عالرصيف تلـــوع
بريئـــة
وشفــت يمهن يبجي ملك المـــوت
وبعيــــون الشـــوارع تنّك الدم فاض
وآذان المناير طمهــــــن البارود
وكل دربين ثالثهن درب مسدود
منين تفوت
وركَــاب السنابل خضرة مكســـورات
والفلاح عزّل والنهـــر مشحــــوت
دنيا انســــان جامد
تك رجل ع الكــــاع
وتك ثان ندفن
والباقي ذل منحـــــوت
حـــرام على المقــابر تشبـــخ الأحياء
ونترست جثث كـــاع الله
مين نفوت ؟
كنتــور الفــرح بالسوك ماينبــاع
ماينبـــاع الا وينكلب تابوت !!
من كـــد الكتل
ماضل اليشيعون
زاتوت اليمـــوت يضل بلا زاتوت
بنادم بطن حــوت وطلعـــه الكـــرار
هسة أبطن اوادم شفت يندب حوت
بشلاع الكَــلب وسنين يكمـــل بيت
وبطقة مسدس ,,, تنهجم البيوت
مامش صوت
مامش صوت


24ِ- 3- 2008
خالد السعد

[خالدالسعد]

حلوو
متابعه

كل الهلا

[خالدالسعد]

أفتخـــــــــــــــــــر
لنّـي امــامي وجعفـــري
وماصـــرت يوم المناصب ناصبـــــي
وأفتخــــــــــــــر
يوم الحشـــــر ورفــع رأس
لن علي الكـــــــــــرار واله مذهبي
ولأجل تعجيل قائمنة الولي
بعلا صــــوت تلاث صلـــوا على النبي
_______________________________
الصــــلاة على النبي دستـــــورنة
وأسس الدستـــــور لينة الصـــادق
سكـــت فم الكـــون وتخيّــط خِـياط
وبقى بس جعفرنة صوت الناطق
وفـــرق بين العاش اخرس مايصيح
وبين صوت بكل مســـامع خارق
جعفر الصـــادق جبل حد السمـــاء
ويا سهـــل ينقـــاس وي الشاهق ؟؟
زغـــير وربيت بعشك آل الرسول
وماكبرت ولني شاعر عاشق
شيعي.. والشيعي بحر من الدموع
و كال للدنيا ثلاثـــــــــا طالق
منهـــج الصــادق هدم روس الطغاة
و كل يزيدي بالمكـــاره غارق
هــدم الحجاج وآلاف الملوك
ولسة يلعن بالنظام السابق

2010
خالد السعد

[ضياء المالكي]

مبدع خالد السعد