السلام عليكم
بقلمي ... عراق الاحبه
ملل من الانتظار ... كان يجلس طويلا يتامل المشهد من بعيد وهي ترافق شخصا غيره
حز بنفسه هذا المنضر كثيرا فاراد ان يشرح عما يخالجه فقال :
وين عنك اشرد وين ابتعد ....... وانه ساكن ابظلمه سماك
وين اهم الكلب عنك وندفر ..... وانه متعود اشما بس هواك
جني بلبل من يشوفك ينخرس ... ينحبس صوته ويردد يم ضواك
هيج من الله خذت روحي ابلاش .. استغفر الله للصلاه لازم رضاك
جن احسلك زفه ما بيها عرس .... وجذبه هيج الضن يعاندني ابمناك
ليلي ورقه ضيم بللها الهجر ...... هاي من اسوالف بليس الرشاك
روحي يمك هسه تترجاك اعيش .. جنت ورده لعطري يا خايب شجاك
فدوره روح ولا ترجع الذكريات .. جني اعاين للخيال وحس صداك
روح ما تتهنه من عمر البكه ..... ولا يحبك دوم ذاك الي خذاك
يمه ضميني وسط حضنج اضل .. بلكت انسه الي مشه وعني ابتعد
يمه ضميني بعد ما بيه حيل ...... يمه مخنوك ونفس ريتي انعكد
يمه حبيته وحفر حبه الكبد ....... حسره ايتيم وذبل عينه الفكد
يمه شتلته زرع فرحان بيه ...... بس ما حصدته يم غيري انحصد
يمه وينك وين حب هذا الوكت .. انته جنت اتنام بعيونك ورد
هسه من اتنام تهذي ويه الخيال .. ومن لزمتك كتلي احبج يا شهد
هيج متبني اعله حبها اجروح .... هاي ياهي الباكت اكليب الولد
يمه طاحظ الوكت لحدوده عوز ..... وهيه رفضتك لجن بعدك تود
الحلقه يمته اتلايمت ويه الفقير ... دوم اذا ينضرها بعيونه لحد
النخله يمه شما علت تاليها خيس ... تكنس الكاع ابسعفها الكاشفه
والقدر لابد يعوضك بالضياع .... مو انته العفتها خلها هيه العايفه
باجر اذا شافتك ابنص عرس .... راح ذكرى اتردها نفس السالفه
وخاف لحنك يمه ما غزر حنين .. باجر تنعكس وتصير هيه العازفه
وخاف شبعته عشك لجن جفاك ... ترى باجر وي الغير هم مخالفه
شاعــــــ ـــصمتـــ ـــــــر
عـــــــــــــــــراق الاحبه
2015.12.17 الخميس
رد مع اقتباس
المشاركة الأصلية كتبت بواسطة أغرد بهمس
