اليوم أهدّك ياقلم ’
روح براهاتك عل العشگ
واتنوع بعين الصبا
خطفات يم درب الزلك
اكتب حرف جَره القهر, جرّة شليف ومحترگ
واكتب غزل
مال الحديثات اليعدلن بالطرگ
وحده تگل للثانيه ياخيه هم ولفچ حلف مانفترگ؟
واكتب مثل ذيچ ال اذا تسمع بطاري وليفه
تضل تختنگ
لاتستحي ذبهن بعد جرحك ضمد ماينفتگ.
واتغزل بعشگ الصبا يالحاطه بزندگ علك
تذكر گبل من تخطف عليك شكلت
(كش جلدي ,كلبي ارتاب يرفس رفس كام.
من فلك طرها تكول مصبوبه من جام.)
اي كولهن لاتستحي سمعنه,
موضاك الخلگ
سمعنه مالتك كبل من سولفت
(بكثر دگات گلبي عَلَي..عمَّو
حملت هموم حتى العين.عمّو
عجب ياهي ال احبها اتصيح ..عَمو
ولچ ياعمو وانا النار بيه)
بقلمي
والله هسه كتبتها اتذكرت سويلفاتنا الاوليات
ضياء الصافي
رد مع اقتباس
المشاركة الأصلية كتبت بواسطة عــراقيـــه وافتخــر
...
