مما راق لي كثيرا وللاسف لا اعرف اسم الشاعر بالكامل ولكن ما متأكد منه ان اسمه جبار
سولف كول الك واهس تضل وياي_واذا ما الك واهس كول لاتخجل¤
ما اقبل احبك وانته مامرتاح_وما ارتاح احبك وانته ماتقبل¤
اذا متشدني بيك وبية اشدك حيل_انحل بالسهل من عندك وتنحل¤
بكيفك من اجيت وماجبرتك يوم_ماجبرك بكيفك لو ردت ترحل¤
فكر باليهمك المهم شتريد_وانة كل اليهمني المهم لاتزعل¤
ما مليت منك اكدر ابقه وياك_بس المشكله خاف اني راح انمل¤
ميهمني الدرب صار امشي بيه سنين_ما اندل جنت بس هسه كمت اندل¤
وما كولن خساره الراح مني وياك_وي كلمن تحبه الروح ماتبخل¤
روحي الحبّتك تتحمل بلياك_ماينقص صبرهة بغيبتك يكمل¤
مجنونة نعم بس تدري روحي شلون_تنجن بالعشك وبلاعشك تعقل¤
حبيتك صدك والوكت جذبه هواي_بمعركة الدغش اني انزلت اعزل¤
وتعرفني ولو عندك شكوك هواي_وادري لكل شكوكك صار عندك حل¤
من شفتك سنابل روحي اجت ترويك_ماي ولاتضن تصيرلك منجل¤
ما اقبل احبك وانته مامرتاح_وما ارتاح احبك وانته ماتقبل *
رد مع اقتباس
المشاركة الأصلية كتبت بواسطة محامي الحب
