#قصةعلي ألمالكي و #الشاب_الجميل
اجيت امشي بطريق المامشت بي ناس *
وعفت الزين والمو زين عفته...
مشيت بهل طريق وبس الاوهام وياي *
ولن ذاك شخص من بعيد شفته ...
كمت احجي ويروحي وانا اسير اعليه *
اظن هذا الشخص مثلي سالفته...
وصلت ولا وصلت ولمن قربت اعليه *
لن شاب وجميل و مغثوث شاهدته..
ومن بعد التحية والسلام اعليه *
جزيته وبذاك الدرب عفته...
كملت المسير وخلفي اسمع صوت *
اخذ عمك اوياك شبيك عفته...
انتظرته وشاهدت وجهه ينور *
وبنفس المسير الرجل رافكته...
بدأ بأول سؤال وياي *
الى اين المسير ومن ياعرب انته ؟؟؟
جاوبته بسراحه وبكلب وجعان *
وبلهفة حزين بصدك جاوبته...
كتلة انا ابن الملوك العشت وسط الخير *
بس للاسف كل الخير ما شفته...
كتلة انا ابني القصر بتعب هل ذرعان *
بس انا الابني وغرب ساكنته...
كتلة انا اترك ابيتي واحرس الجيران *
ورد للبيت الكه جيراني بايكته...
كتلة انا العشت وسط نهرين *
وصدك يار جل طعم الماي ماضكته...
كتلة انا المشيت احمي عرض الناس *
تاليها خائن والوطن خنته...
كافي يا اخي خل يخلص المشوار *
ماريد اتعبك خليها سكته...
بس يا اخ العرب انت امنين ؟؟؟
وليش بهل مسير وياي كملته...
اعتذر من الاجابه وما قبل ليه يرد*
بس بكل عزيز وغالي حلفته...
كال انا التحلف ابراسي الناس *
وكل زين وشجاع بأسمي خوفته...
كال انا البخت والخير *
وسلاطين الامة ساكنته...
كال انا الضيفت ادم من نزل عالكاع *
و اول واحد استقبلته...
انا السكنت بأرضي انبياء الله *
وبوسط الكلب علي الكرار وسطته...
كال انا الوكع بيه حسين *
وبوسط الروح عباس ضيفته...
كال انا افتخر بدياري اهل البيت *
واسمهم تاج فوك الراس شلته...
كال انا افزعت قبل فزعة الخوان*
مشيت بنص هذاك الليل جولان حررته...
كال انا وانا وانا الخانته الخوان *
جابتله غرب بدياره ذبتله...
ولك انا الباعوا اولادي *
وعلى مود الكراسي حللو كتله...
شحجيلك بعد ولك هن اهواي *
ليش بهل طريق الجرح هيجته..
ولك انا العراااااااااااق الكلها تحلف بي *
انا الغيره والمراجل والبخت شلته...
انحنيت انا احتراما للعراق ***وبرجليه قبلته
#بقلمي_الفقير
رد مع اقتباس
