تهدي يا شوغات عمري تريضي
مالي حيل اواهسي مخلص صبر
وارد اطش سنين عمري الخايبات
وارد المهن واحذف لما تنغفر
وارد الاكي سموم عاميها السراب
سموم ما خلت كلب ما ينكسر
وشمعت ريحت امس طفت ضواه
واكفه اباب السماح شتنتظر
وانت يلماشي بدرب رايح تعال
درب ما يرهم الك لا تستمر
دير ظهرك شوف من يمشي وراك
غير بس فكرك يدورلك عذر
وانت فكرك شايل اعذاروعناد
تمشي دربك حتى لو ورث جمر
حالي طعم الغير وبعينك زلال
وشري طعم الرادك بعينك شمر
صدك لو كالو يضر كثر الدلال
وهاي تاليته الدلال اصبح مضر
يا جبير بعيني وبعينك زغير
مو زغير شبيك ما عندك نضر
لا تضحك الناس ضحكة شامتين
طبولهم كلفه الشراذم والزمر
رد مع اقتباس
