ذمني ما لومك بعد وأسأل عليك
اني لومي عالزمن حدب كفاي
وانت تيهت الدرب رخيت اديك
واني سويتك تجي وترفس رضاي
انت اول ما صرت بس اني بيك
هسه لا اني طلعت ظلو هواي
روح هد الباقي مني وحط دليل
وغيرك اليعلك بخور يرشلي ماي
حتى من ترجع تجي لنفس المكان
ما يدليك الكلب ريحي وهواي
زحمه بسنينك جنت مليانه خوف
اني عوجية بخت اعرف مناي
روح ما ريدك امس باجر تصير
وانت لا باجر تجي ولا عكبه جاي
روح مو صوتك اسمعه اسمع صداك
وهم صداك اللي اسمعه بلايا راي
روح ( طنش ) لا تراويني رضاك
طاح جادر خوتك خلص عزاي
رد مع اقتباس
