شمالك يانهر مابيك فزعه شبيك
يمك جان ابني وما حميته
نكسر كلب النوارس وانت ما فزيت
ومد طوله وي طولك مادريته
زغيري ودخل عندك ياخذه الموت
ما ينطي الاصيل لدخل بيته
اجيت ابت امل بلكن عدل ظال
لكيتك صلف تجري وما لكيته
سواها الفرات وعطش حسين
ولو عطشان ابني ما رويته
كفر تبقى علكاعي لهسه مطروح
لمثلك ينسحب اسمه وهويته
وحكم خائن احكمك واصدر اعدام
وال سعود ما نقبل فديته
وتعرف ليش ربك سير السيل
علن ثوره علمايك دم خطيته
رد مع اقتباس
