ليش اجيت ...
وما كلت لمن مشيت
هسه جاي
ومن تجيني شتلكه بيه
جاي تنشدني علي
وفدوه من تلكاني كلي
وشوف هم يشبهني شكلي
لو تغير كلشي بيه
صح تغير بيه كلي .....وحتى ظلي
وفدوه من تلكاني كلي
حتى اكلك لاتجي
راح دورك صحت بيه امساك ما مر بسحورك
اني مليت السوالف لان تنشدني عليك
وشرد اكلها ....
وشرد اكل للعين لو رادت كحلها
والمواويل الحنينه الجانت اذكرني بيك
لو غبت عني واجيت
ولمست ايدينك على جفوفي غفت
واعتلاها تراب هجرك
تراب بعدك
وغابت اخبارك علي
وصار عدادي يعد عكس الزمان.... بهالزمان
نصي راح .....ونص بقالي
وعايش بنص ذكرياتك
سنين متلهف عليك
خايف وما ريد اجيك
خاف تنكرني نضرتك
ومستحاي يحير بيه
والدخيل ......
الكلب صاير دخيل........واني حاير
بين روحي لتيهتني .....وبين جسمي لماهو جسمي
وبين ناكوط السوالف لحطت باطراف اذانك ......وطاوعتها ..
وفاركتني سنين
هنه مامرن عليك ....بس علي
اني حاسبهن بديه
وجايني تكلي شجرالك .....شو تغير كلشي بيك وحتى انت ...ما اشوفن بيك انت
خاطر اتعرف عليك
وهسه راجع بعد ما فات الاوان
شكد بجيت ....من شفتني بلايا اني
والمعاني اطشرت راحت بعيد
ردت احضنك ...
باوعتلي.... زنود ماكو ...كلشي ماكو ..
غير بس عيون تطلع عليك
وجدمي ظل اهناك ....وين اول مره شفتك
منتظر جيتك خطيه
وشردن اجفوفي عليك
وردن بحركه علي
ومن خجلهن....
لتمن وصارلي كصه
وطلعت بنص كصتي عين
ودمعت دمع الحياء
وهمن عيوني على بجاها بجن
بس بجيها بلايا صوت
عين خرسه....دموع سكته
والرموش تفاركت عن الرموش
واعيه وحملت صلافه
والانانيه اشطبت كل الوجود
نطبعت بنص عيني صوره.....وغمضت
وقفلت عيني عليك
خلي عيني بلايا شوف
هي ظلت عالنظر ....هي ظلت عالنظر
رد مع اقتباس
جميـــــــــــل