هنا

[ارجع يازمان]

بس همه خياله!
حسين الساعدي
::::

ردينه شفنه البلد
متغيره احواله!

ماشفنه ريل وحمد
لا دكة ادلاله

شفنه المأسي تشد
والعازه جتاله

والعلم طاح وكعد
والشغله عماله!

وشفنه الحكومه بعد
واهوايه دجاله!

والخير كله انفكد
بجيوب نشاله!

شفت العراق ابتعد
عن هوره وجباله!

وام الشهيد ابوعد
شحجيلك الحاله!

مذبوح طير السعد
ومكطعه اوصاله!

وانجرح حته الورد
والدمعه هماله

واهلال نصرك بعد!
واتنطر اهلاله

والكلب حيل انمرد
والونه تبراله!

مابقوا غير الحشد
بس همه خياله!



حسين الساعدي