مساجلة دارميات انا ومجموعه من اصدقائي وكان موضوع المساجله الام
السلام عليكم ورحمة الله وبركاته
بيت دارمي للصديق الشاعر عبد الرحمن الحجامي يقول فيه :-
شالتني تسع اشهور امي ابطنه
شايب ورد ازغير لوصد حضنه
فأجابه كوكبه من الشعراء والمبدعين وكما يلي :-
محمد الطائي :-
من تشجر التنور امي انه يمه
خافن شرار ايطير يحرك هدمه
ابو عبد الله العقيلي
شلتيني تسع اشهور بيش ارد اوفايج ...
بين اضلوع هناك يمه ارد اخليج ..
وليد الساعدي
اكفر صدگ بلعوز لويدنه يمهه….
غافلني وانه ازغير فطر جدمهه
رسول العقابي
امي امن احس بالجـــوع ماتاگل تگوم
وتگلي هاليومين مطـــــلوبه للصــوم
ابو كرار اليساري
نشفت ريـــج الـعوز امـــي بصبرهة
ولاوت اچفوفه وگام يزحف حدرهة
محمد العراقي
أمي إمن أكَولن آه من يمهه تبجي
داخل على العباس يايمه دحجي
احمد حليم
امن امي المحنه اتسيل ترست حظنهه
اتوضه موش ابماي اتوضه منهه
انا :-
شالتني تسع اشهور متحمله همي ...
يا يمه ما وفيج لو انطي دمي
سيد جاسم المحنا
لو بيدي وسط ااروح امي اني احطه
لنّي امن اگولن آه يصعد يظغطه
نديم الشيباني
ما اكتب انه اشعار من اصد ليهه
امي الشعر مبخوت خاظع يجيهه
وللمساجله بقيه
علي الشمري
رد مع اقتباس
المشاركة الأصلية كتبت بواسطة عــراقيـــه وافتخــر
