بعد عني الفرح ما شفته اجاني بيوم , عزيزي الشاعر احمد الجوراني
وبعد عني الفرح ما شفته اجاني بيوم
وضل بس الحزن يحجيلي واحجي الصار
واكله اشجم حلم واشجم حمامه اتموت
ضنت بيه امل بس ما لكتني الغار
صهل خَيل الوجع والفارس أشهر سيف
وحجي الوادم كثر ما ردت اصيرن عار
عله مرورتها صبها وخل تشيط الروح
جبت عمري انذبح بس ما صرت منشار
ولم كل النظر بلكي الله توكع عين
خلص شوفي بشمس بس ما شفتها النار
ولا تكلي الصبر و أولها تالي ا نموت
الكبر نفس الكبر والشغله تبقى اعذار
احب بس الدمع جي مالح من ايطيح
جي نكعلي صوره وحطلي بيها اثار
واريد اوكف رمح بس ما اشيلن راس
واريد من الجرحني اليوم اجيب الثار
وأخلي عيونهم تغفه أعله النجم الليل
اليبات أعله الارض جواها جوه امتار
واطلعلك نبي من ناسي مو من بير
وكله انت أشفت وانت اعرف الأسرار
يدفعون الجرف كوه اعله حظن الماي
ما يوصل بتعبه ايوصله واحد مار
ويشوفنك وجه طبعك صلف خلي
ألجره شويه ميها وبيها كومه احجار
وكع ماي كصتك وارو منها و وموت
ولا يبقه الخبر بكفاك اذا تندار
وإذا طاح المطر لو خيروك اختار
وصير الروجه انت وانت صير إعصار
وحدب للشريف وعبره واعرف زين
بأجر من تشح ما ينذكر معبار
وما أعظه بندم وأشفق عليه بعدين
اصبعي اذكر رفعته وهو كلي اختار
للترف
احمد الجوراني
رد مع اقتباس
المشاركة الأصلية كتبت بواسطة HAMEDD
