نار الفركة كسرت حاجز الشوك
نار الفركة كسرت حاجز الشوك
كمت وطحت لكن مانعتهة
وشفت تأشير أيدك لليشمتون
شلعت عيوني واصرخ ماشفتهة
من احزن اجيلك خاطر ارتاح
وأدموعي أعلة جفك علمتهة
بعدك أجت تركض حنت أعليك
ماحنيت بيدك نشفتهة
انة غزرت عيني بشاطي الدموع
وكت ما أذني رايح سمعتهة
كتلك ابجي هسة هنانة شمات
ولا نص دمعة منك طلعتهة
مامشتالك كتلك باوع هواي
ابد ماشلت عينك دنكتهة
انت اخر جكارة الضلت وياي
كبل خلصت قبل ماورثتهة
امس تاريخ هجرك رد علة الروح
والمأسات من أول عدتهة
وتذكرت الجروح وذيج الايام
وذكرت اشعاري ذيج وشككتهة
تقبل روحي من غيرك تظل هيج
النوايب عكب بعدك حاوطتهة
بزفافي اتصيح هاي الرادهة الناس
وروحي اتصيح مو هاي الردتهة
رد مع اقتباس
المشاركة الأصلية كتبت بواسطة عــراقيـــه وافتخــر
