هلاوووو درر
اول مرة اجي اهنا
راح اسولفلكم قصتين صارت وياية من جنت صغيرة
...
بسم الله
مرة يمكن جان عمري 4 سنوات مدري شكد .. المهم
ماما كلتلي روحي للحمام علمود اغسلج واني جاية وراج ..
فجان اكو جيس مالت مادة كيميائيةيلمع موجود بالحمام
(اعشق الاشياء الي يلمعن)
فلزمتة اريد افتحة مينفتح ..
عضيتة بسنوني
فمن انفتح دخلت المادة بعيوني
فأجت ماما شافتني فاتحة المي واريد اغسل عيوناتي
اخذوني كَبل للمستشفى
ابن عم بابا طبيب اطفال من فتح عيوني يريد يفحصهن يطلع دم
فكال هاي انعمت
انطاني بس قطرة .. ماما تكول جنت من افتح عيونج اخلي القطرة ملابسي يتبللن من الدم
فبابا نذر يجيب خروف (طلي
فمن جابوا للبيت اخوية الجبير اخذني علمود يراوينيالأن احب الحيوانات
فالطلي صاح .. ماااع
اني فتحت عيوني
سويت لاهلي جلطة سودة علية
والمحزن لحد الان محد يقبل يكلي شنو ذيج المادة وشسوي بالحمام
وليهسه اكو اثر رمادي ببياض عيوني من ورة المادة
................................
القصة الثانية
جنت بالروضة يمكن عمري 5 سنوات لو 6
فبابا جان من يجي من الشغل يدكـ هورن السيارة اني اطلعلة اخذ منة الجنطة وافوت للبيت
جنت المدللة
احنة عدنه سرداب بالبيت .. بوقتهه جان صاير بي مي مدري شنو المهم فديبدلون الرمل مالتة .. ففاتحين الشباج علمود يذبون الرمل منه ..
والشباج صاير اول ما واحد يدخل للبيت
فخالين خشبة نعبر عليهه المهم
دك بابا هورن السيارة رحت اركضلة ..
بستة
وانطاني دوة جايبة لاختي
فرجعت للبيت يكول بابا اسمع شي وكع
كلت هاي وكعت الثولة الدوة
فأجوا لكوا شيشة الدوة محطوطة ع الخشبة واني ماكو
نزلوا اخواني وعمي للسرداب يركضون لكوني واكعه ع الانقاض ومغمى اعلية
من جان مغمى علية
اذكر شفت مرة لابسة اسود بس حلوة
بعدين ورة شوية فتحت عيوني لكيت نفسي بحضن بابا
كولشي مبية ..
سولفولي انه بابا اتعارك وية جدومن وراية
ياااه مشاغبة انا
رد مع اقتباس
المشاركة الأصلية كتبت بواسطة اشجان الروح
الحمد لله 
