هنا

[ارجع يازمان]

دارميات ساعديه!
ـــــــــــ
تدري اشوكت انساك واتبعد ابعيد؟
لمن يجي عاشور وي جية العيد!

تدري اشوكت انساك وتغمض العين
من داعش ايطبرون بمصاب الحسين!

تدري اشوكت انساك والنومه نومه
لمن تبطل بوك هاي الحكومه!

تدري اشوكت انساك وكليبي انه
لمن يمر طرواك يبقه ابمكانه!

تدري اشوكت أنساك وتصدك ابهاي؟
من تسمع البحرين تستورد الماي!

تدري اشوكت انساك وتعوف اديه!
لمن تهيل اتراب بيدك عليه!

تدري اشوكت انساك وانسه الملامه!
لمن يطير الفيل مثل الحمامه-

تدري اشوكت أنساك ثق يا عزيزي
من تسمع الخرسان تحجي انكليزي!

حسين الساعدي

[زين العابدين الشمري]

شايلات روحهن زوينات

[ارجع يازمان]

شايلات روحهن زوينات

مرورك اجمل