عايش عالٲمل واتمنــى اشوفـك جــاي
وعايش عـالـ نفس ..مــرات ما اجــره
انا مغطـي بضحكــتي آهموم ربـة بيت
تضحك بالوجــه بس بالگـلب حســـره
آعانـــــد بالكـبر وبراســي وكر شيب
شايب بالشكــل بس النفـــس خظــره
نــدرس بالـــوراثة انــواع للطـفـرات
بس اعلى النحبــه ولا تصـح طفــــره
وٲصبــر گلبي مو وحدك طحت بگــفاه
وخلـك يا گـــلب مـو عيب تنتضـــره
بعدني امناطرك مثــل الشجـر للمــاي
مـر غيمة مطـر واروي بگلب صحًًًــره
طاري الفـرگة جان بشعـري ما مطروق
واذا اكـتــب قصيــدة إنمــر عليه مـره
هسة بغيبتك شـــوگي اليصـوغ آبـيات
وانا الســــان حـــاله اليكــتب ويقـره
انا الگلـبي ﭼـبيـر وبيتي حيــل اصـغير
اذا رايـد تجيــني استـــوعب الفكــره
تعـال بصــدري بيتك تسكـن انته اوياي
ما املك شبـر نگـضي العمـر سفـــره
رد مع اقتباس
المشاركة الأصلية كتبت بواسطة عــراقيـــه وافتخــر
