هنا

[حلم ألخيال]

من أحچي أسولفلك يقين ...
لا ألف ولا أدور ولا ألح ...
ألزين زين أشما يذم بيه ألكلام ...
وألرذيل أيظل رذيل أشما يغطيه ألمدح ...
==========================

[حلم ألخيال]

يا أول درس كان أبحياتي ودوم ....
أكتبنك يدار ودار ماشفنه ....
مو قصدي ألكتب لو دون ألكلمات ...
بس حال ألفقير أشلون بالمحنه ...؟؟؟؟؟؟
==========================

[حلم ألخيال]

چنت أظنك نجمه وتضوي أبسماي ...
وچنت أظنك وكت حزني .. تحضر وتوگف معاي ...
وچنت أظنك مثل غيمه .. تنزل أترويني ماي ...
وچنت أظنك بالشدايد .. توگف وتلزم گفاي ...
وچنت أظنك بلسم أنته .. لو يشح عني دواي ...
وچنت أظنك كل حياتي .. وفرح كل عمري وصباي ...
وچنت أظنك نسمه أنته .. وبيك أتنفس هواي ...
وچنت أظنك تحتظني .. مثل ما أحضن غطاي ...
وچنت أظنك نور عيني .. وشمعة أسنيني وضواي ...
وچنت أظنك من تنادي .. أتصيحلي بكلمة غلاي ...
وچنت أظنك أول أنته .. وكلهم ألباقي وراي ...
هسه گلبي أتريده يرضه ؟؟؟؟؟؟؟؟؟؟؟؟؟؟؟؟؟؟؟
وراجع ومتعني جــــــــــــــــــــــــ ــــاي !!!!!!!!
==============================

[حلم ألخيال]

وحگ ألله ومقامچ خوله في لبنان ...
يابنت ألحسين ألعاشت بأحزان ...
عراق ألخير شامخ بالغضب بركان ...
رغم أنف ألزمان وداعش ألتعبان ...
=========================

[حلم ألخيال]

خليني أشوفك يافرح بالطيف ...
لو زحمه عليك أبحلم ماشوفك ...
نسيتك يافرح وألحزن بيه أهواي ...
بعد شتفيد منك لمسة أچفوفك ...
عشت عمري حزين وگلبي صاير نار ...
ماريدك بعد ماريد معروفك ...
ليلي وألدمع والقهر والحسبات ...
قطعه أتصير مني ولازم أنعوفك ...
بس لازم أذكرك يافرح مجبور ...
ماتكمل قصيده وناقصه أحروفك ...
========================

[حلم ألخيال]

ياريت ألمحبه أتسود بين ألناس ...
ونعوف ألمشاكل وبسعاده أنعيش ...
عراقيين أحنه وجسم واحد دوم ...
أبد ماريد أسمع كلمة ألتهميش ...
خلونه نتكاتف أيد وحده أنصير ...
ونعمر بلدنه ألعاش بس تفليش ...
ألك ثقلك عراق وكلهم أيعرفون ...
مو مثل ألبعض يمتلك وزن ألريش ...
=======================

[حلم ألخيال]

أنته ورده وعايشه أبجو ألربيع ...
وأنته شمعه وضاويه أبليل ألصقيع ...
وأنته عمري ألمارضه فد يوم أبيع ...
وأنته كلك ذوق ياذوق ألرفيع ...
=======================

[ملاك الاحساس]

مبروك افتتاح مدونتك
اتمنى لك التوفيق والابداع في الطرح
تحيتي

[حلم ألخيال]

علاوي عدنه أفروخ ماتنحمل دوم ...
ليل ونهار أصياح مانعرف ألنوم ...
=========================
علاوي عدنه أفروخ ماتنحمل دوم ...
لو چبس ليز أيريد لو ربع حلقوم ...
========================
علاوي عدنه أفروخ ماتنحمل دوم ...
من تگطع ألمصروف ماياكل أيصوم ...
=======================
علاوي عدنه أفروخ ماتنحمل دوم ...
فوگاهه فيكه أيريد من يلبس أهدوم ...
=======================
علاوي عدنه أفروخ ماتنحمل دوم ...
لا كتل بيه أيفيد لا يعرف ألنوم ...
=======================
علاوي عدنه أفروخ ماتنحمل دوم ...
لو كتله جيب ألماي مايقبل أيگوم ...
=======================
علاوي عدنه أفروخ ماتنحمل دوم ...
أتگله دربك هاذ ميگلي مفهوم ...
=======================
علاوي عدنه أفروخ ماتنحمل دوم ...
يتشلبه عالحيطان ويريد ألنجوم ...
=======================
علاوي عدنه أفروخ ماتنحمل دوم ...
شايف مرار وظيم متحمل أهموم ...
=======================
علاوي عدنه أفروخ ماتنحمل دوم ...
راح أنجلط فد يوم صدگني مادوم ...
=======================
علاوي عدنه أفروخ ماتنحمل دوم ...
أحرگهم أني أبنار هم واحد أيلوم ...
=======================

[حلم ألخيال]

من يحفر حفره ألدفان ...
ويريد أينزل أنسان ...
أصعب موقف وألقرأن ...
أهله وناسه أتذب تربان ...
=======================
گلبي مانكر وياك .... وده
حنين وقطعه منه أتكون ...وده
خبر منك يبعد ألروح ...... وده
عزيز وغيبتك تصعب عليه
======================
أهمومي من ألحزن صارن ... تلالي
وأحس ألدمعه بعيوني .... تلالي
قصيده أعله ألحزن شامت ... تلالي
قراهه وزيد ألنيران بيه
=====================