هنا

[حلم ألخيال]

ذبحوك وانته ابعطش داير مدارك مضو
وسهام كثر المطر صاباها بيك العدو
وحدك صفيت وصحت عباس كوم الاخو
يمناي انته وعلي وافيت خويه وكفو
=======================

[حلم ألخيال]

جنت اكتب شعر عن يوم الطفوف..
ردت اوصف بيها سبع الگنطره..
گمت ارجف خوف من طاري الجفوف..
وگمت اعيشن بيها يوم اﻻخره..
صار كعبه وبيها الغيره تطوف ..
على الغيره الناس خل تلزم سره..
اقره بمدرسة عباس ودشوف ..
ﻻوحك حسين وايده وخنصره ..
لون عباس الفحل واعي ويشوف ..
ما يصير بزينب الدار وجره ..
وﻻ وصل واحد للحسين ويحوف..
ولا شمر بايده يحز بمنحره ..
=====================

[حلم ألخيال]

ها عبــــــاس
تگعد لو أصب دمعي
وأغرگ شاربك وأرجع
تگعد لو أرد لسكينه
اگللها نخيته وماقبل يفزع
تگعد لو اصيحن آآآه
وأخلي شامتي يسمع
تگعد لو اطگ وجهي
بيمينك وأنسطر ووگع
تگعد لو اون يمك ونين مخدره وحره
وبين الغربْ ماتطلع
تگعد لو أشدن معصبي بسيفك
وأهوس داير المصرع
تگعد لو اصيحن آنه اخت عباس
اخت العافني بغربه
وعليَه الناس تتجمع
تگعد لو أضل اعتب لحد ماروحي تتگطع
========================

[حلم ألخيال]

مـــن جـمر الظلوع مـــن نـــار الدموع
يــبــني يـــجاســـم بالخيـم اعلگلك شموع
مــــن نــار الـدموع
* * *
ســـالت دمـوع العواطف من شفت رمله الغريبه
ابوسط صيــوان النـــوايب حانيه ظلوع المصيبه
تـــنـــظر لحــــوفة ولـــدها والچــــبد يسعر لهيبه
صــــاحت ومــــدمعها همل گــــلـــبي يجــــسام انوجل
ابغـــيــــبتك لو ضاع الأمل هــــالامــــل يا هو اليجيبه
عـــگــــبك يــجاسم تغـــــدرني الأيــــام
ورمــــش الجـــفــن مــا ينزرع لو شفته مگطوع
مـــن نـــار الـدموع
* * *
لا تـــضــن احــــزن يجاسم للحرب لو ردت تطلع
مثل ما درعك لبـــســته بـــالصبر گــــــلبي تدرّع
وچبدي تـتضمد جروحه لو شفت جسمك امگطع
عـــــهدك تضـــحي يا شهم والـــوفي ابـــعـــهده يلتزم
ارضعتك وفه وطيب وعزم گــــوم وفـــيــلي المـرضع
والحـــســن وصـاك تـــتـــحنه بــــدماك
ومـــنــــهــــج وصــــية والــــدك بـعيوني مطبوع
==============================

[حلم ألخيال]

اسولفلك بعد لو وصلت الفكره ؟
اليشم عطاب لازم يفتهمها ابساع..
اكو فد شي احترك والنار مستعره
ليغرّك هدوئي براسي ثوره افكار
السمه لمّن تغيّم جايه المطره
قرينالك الموجز واضحه الاخبار
وچم عاجل ألك خلينه بالنشره
سر الليل عندك فوت للدلال
مايصعب عليك بشفتك الشفره
المستطرق فهم والضيف والطرشان
جاوبني اعله بختك احجي وي صخره ؟!
مدن روحي بخطر جيشك على البيبان
زحف حسنك عليه ومدري شعتبره؟
عشك تالي عمر لو نزوه لو اعجاب
دخيلك دوختني براسي الف فكره
محتل لو محرر ..محب لو چتال
يا آخر حلم ألتمسك اتفسره ؟
لاتشكل علي نص عمر زدت اعليك
بزر عشرين روحي وداعتك خضره !
مو صعبه عليك اتفك طلاسم ليل
شاطر من تنيشن تكسر الابره
باب المنقفل وبجيبك المفتاح
بيدك ينفتح لتحاول اتكسره
=====================

[حلم ألخيال]

طيحت الماعنده اخو تعثر مضيف
الماله بالوادم ربع يكظيها صار
=====================
خاف الك نيه أوياي تلعب عليه
سيد وشور بيك ما مش خطيه
=====================

[حلم ألخيال]

خبر موتك يسيد من قريته أليوم ...
ضجت كلش ضجت وألروح مسبيه ...
ألف رحمه أعله روحك من گلب ولسان ...
ياطيب ودومك صادق ألنيه ...
كل أحنه يسيد عل درب ماشين ...
لأن هاي ألحياة أويانه مگظيه ...
ياريت ألمرض يتعنه للموزين ...
ليش أنته أجاك أبعله مخفيه ...
أذكرك بالشعر ياسيد ومولاي ...
رغم كلش حزين وحيل مابيه ...
شسولفلك شگولن وألله وأحتاريت ...
وأبيات ألشعر سكتن قوافيه ....
======================

[حلم ألخيال]

انفدع فدع الشفلح لهم .... ونكاط
دمه وستاحش الخرنوب .... ونكاط
ابجفاك انحاف تالي الليل... ونكاط
حلالي ولافزع نغار إليه -
=====================

[حلم ألخيال]

طول وخصر مسلوب وعيونك أوساع ...
بس ألغرور ألبيك طرگاعه طرگاع ...
========================
طول وخصر مسلوب وعيونك أوساع ...
سعرك يخايب بيش لو ألنه ينباع ...
========================
طول وخصر مسلوب وعيونك أوساع ...
يمعود اثگل عاد من تمشي عل گاع ...
========================
طول وخصر مسلوب وعيونك أوساع ...
يمكن وفاتي أليوم بألتيفي تنذاع ...
========================
طول وخصر مسلوب وعيونك أوساع ...
ليش أبكلامه أيصير سموري بياع ...
========================
طول وخصر مسلوب وعيونك أوساع ...
تعبني ياسمور من صار الوداع ...
========================
طول وخصر مسلوب وعيونك أوساع ...
وألشعر ياسمور حسبالك أشراع ...
========================
طول وخصر مسلوب وعيونك أوساع ...
سامر گمت ماشوف حته ألنظر ظاع ...
========================
طول وخصر مسلوب وعيونك أوساع ...
خلاني أطير أطيور يوميه كش عاع ...
========================
طول وخصر مسلوب وعيونك أوساع ...
فهمني بالله أشلون أنتحر لو لاع ...
========================

[حلم ألخيال]

يمكن أجيلك يوم متعني خطار ...لاتنخبص عمور بس خبزه وخيار ...
===========================
يمكن أجيلك يوم متعني خطار ...ونسولف أنه أوياك وأكتبلك أشعار ...
===========================
يمكن أجيلك يوم متعني خطار ...بس ما أريد أتگول ناوشني ايجار ...
===========================
يمكن أجيلك يوم متعني خطار ...گالولي عامر توب من يلعب أقمار ...
===========================
يمكن أجيلك يوم متعني خطار ...من كثر مامجروح ماظلت أفكار ...
===========================
يمكن أجيلك يوم متعني خطار ...ناخذ صور عمور وأحفظهه تذكار ...
===========================
يمكن أجيلك يوم متعني خطار ...أنطيني بس عنوان تلگاني بالدار ...
===========================
يمكن أجيلك يوم متعني خطار ...عامر فديت ألسوب لتكثر أبهار ...
===========================
يمكن أجيلك يوم متعني خطار ...شايل أهموم أوياي ومحضر أسرار ...
===========================
عموري شد أوياي وأبقالي عالخط ...مابيه حيل أجروح بس أحچي أفحط ...
===========================