مثل الحلم مرّت اربع اسنين
وهذا اليوم ، آخر يوم وياك
اذا بالبو گة باجر اسمع الصوت
بعد حسرة عليّة ايصير ملگاك
من دونك بعد شيگضي الايام
مدري اشلون اگضيهن بلياك
اذبل مثل وردة او اوصل الموت
اذا ما شفت حل ، او طوّل اجفاك
لو بيدي ، اشلعه الگلب وارتاح
واگلك لو رحت ... اخذ الگلب هاك
حال الصخرة حاله ابين الضلوع
لاحس لانِفس من غير دنياك…
=========================
ها يروحي شبيچ شـــــو حنيتي
انتي موگلتي خلـــــص وانسيتي
بطيف شفتيهم وهزج شوگچ
شحال لو وگفو اگبال اعيونچ
چا طلعتي من الجســـد وامشيتي
ها يروحي شبيج شــــــو حنيتي
=====================
سَـلملي على روحــک
مـن يـمسها الـشوگ
وگـلها الگبل حـبچ بشر مو #سلعة
شــكلي يلوگـلك
بـس عندک أزمـة ذووووق
اليغرد لك عمر ماتعرف تـسمعـة
هـسة إنتة بعت
بس عاد لو ربحااان
شاريني بگمر وتبيعني ابشمعه
===================
انه الما عرض للناس وجهين
ولاذاك الترجه الچان ما چان
لون بيه تشب النار صوبين
اموت وما اصيح الماي يفلان
=================
احجي اوياي نسيني التعب والهم
طفي ارويحتي البشوك محتركه
اريد اسمع سوالف بيه اروح بعيد
كلش احجيلي بس لا تحجي عالفركه
من طاري الخريف اتضوج الاشجار
لان تدري بغصنهة ما تضل وركه
دورلك بشر بي عشك موش فلوس
صعبه اثنينهن لو دورت تلكه
دورلك بشر لويوم ما شافاك
اتصير من الجكاير شفته زركه
===================
إذا عندك عتب عاتبني حتى أرتاح
وأسمع كلشي منك لو ردت تحچي
بس صعبه عليك بلا سبب زعلان
رايد سبب زعلك ماردت كلشي
======================
مو كتلي احبك ليش هيج اوياي
بادلني بمحبتك لاتضل سكته
عمري الفات كلّه وكل طيور الشوك
لجلك ياعزيز الروح مو عفته
اني ادري الكمر من شاف وجهك شاع
منّك خجل منّك وانت صّفنته
واني ادري العكل مادوّخته الناس
بس انت بمحبتك حيل دّوخته
واني ادري الكلب ليلى انكلب هاليوم
وقيس انت صرت مو حكّه جننته
من ساماك غيري ابين كل الناس
كلت انه اشتريك وعمري رخّصته
بعت الروح لجلك ياعزيز الروح
بس حبّك شفتني شلون مابعته
بكد ماساهرت ليلي وانوح عليك
حتى اليل يبجي وياي سهّرته
احجي ولا تضل ساكت يماي العين
مو شعري الاكتبه عليك خجّلته
كدّرت العمر وسنينه شفته يلوك
ولاك اعليك جيف اعليك فصّلته
===================
حلوووو شكرررا
المشاركة الأصلية كتبت بواسطة موجوع قلبي
شكراً لمرورچ ألعطر
ماحنيت الي. ...هاااا مابعد تشتاگ
ما تذكر الماضي لو خلص عفته
گلبك مايسالك صاحبك وين
لو كلش نسيته ومابعد ردته
ماتقره الرسائل والشوگ
لو حته جهازك بلحظه غيرته
ماتندل المكان ال چنه نكعد بيه
يوميه اني اشوفه. ..يگلي ماشفته
اندلك تره. ..واعرف اجيك منين
بس ماراح اجيك الوكت اجلته
موهيچ اني اجيك وگلبي كله جروح
واگلك فدوة ردلي الزعل طولته
لأن ال بيناتنا مو زعل حب سنين
وانت بلحظة ضعف ياوسفه ضيعته
=====================
رد مع اقتباس