هنا

[حلم ألخيال]

ماريدك بعد تسألني عن ألحال
ألحمد لله أبغيابك حيلي هديته
تسأل من صدگ لو شامت أنته أتريد؟؟؟
ولك عمري أبحزن وهموم گظيته
ألف وسفه أليحبك هيچ ألمجازات ؟
تطعن بيه وسط أجروح خليته
أشبدر مني يخايب وأنته هيچ أوياي
وليش أگليبي أنته أبنار حطيته
شيفيد ألعتب وأتعاتب أنه أوياك
لأن عمري أبخساره أوياك عديته
=====================

[حلم ألخيال]

ﺍﻟﻤﻴﺤﺲ ﺑﺎﻟﻌﺸﮓ ﺑﻌﻴﻮﻧﻪ ﺗﻠﮕﻰ ﺍﻓﺮﺍﺡ ...
ﻣﻮ ﻣﺜﻞ ﺍﻟﻌﺸﮓ ﺑﻌﻴﻮﻧﻪ ﺍﻟﻒ ﺣﺴﺮﻩ ..
ﻛﺎﺗﻠﻨﻲ ﺧﻴﺎﻟﻚ ﻭﺍﻧﺖ ﻣﺎﻣﻮﺟﻮﺩ ..
ﻭﻋﻠﻰ ﻃﻴﻮﻓﻚ ﺍﺣﺲ ﺑﺮﻭﺣﻲ ﻣﺘﺤﻀﺮﻩ ..
ﺷﺎﻳﻠﻚ ﺣﻠﻢ ﺿﻤﻴﺘﻪ ﺧﺎﻑ ﺍﻳﻀﻴﻊ ..
ﺣﻠﻢ ﺍﻃﻔﺎﻝ ﺍﺧﻀﺮ ﺑﺲ ﺣﻠﻢ ﻓﻘﺮﻩ ..
ﻭﻱ ﻧﻔﺴﻚ ﺍﺭﻳﺪﻙ ﺗﻔﻬﻢ ﺍﻟﻤﻮﺿﻮﻉ ..
ﻭﺗﺮﺩﻟﻲ ﺑﺠﻮﺍﺑﻚ .. ﻭﺻﻠﺖ ﺍﻟﻔﻜﺮﻩ ..
ﺍﻓﺼﻞ ﺍﺳﻤﻚ ﻋﻠﻴﻪ ﻭﺍﻧﺸﻐﻞ ﺑﻴﻪ ..
ﻭﺍﻃﺮﺯﻟﻚ ﺳﻨﻴﻨﻲ ﺍﻟﺤﻠﻮﻩ ﻭﺍﻟﻤﺮﻩ ..
ﻳﻞ ﺑﻴﻪ ﺍﺣﺴﻚ ﻭﺍﻧﺖ ﻏﻴﺮ ﺍﺣﺴﺎﺱ ..
ﻻﺗﺤﺴﺒﻨﻲ ﻋﺎﺷﮓ ﻣﻨﻐﻠﺐ ﺑﺎﻣﺮﻩ ..
ﺣﺎﭼﻴﻨﻲ ﺑﻌﻘﻞ ﻭﺍﺗﺸﻮﻑ ﺑﻴﻪ ﺷﻴﻮﺥ ..
ﻭﺍﺣﺴﺒﻨﻲ ﺍﺣﺒﻚ ﻫﻴﭻ ﻉ ﺍﻟﻔﻄﺮﻩ ..
======================

[حلم ألخيال]

ﻟﻴﺶ ﺍﺣﺒﻚ ؟؟ ﻫﻮ ﻫﺬﺍ ﺍﺻﻌﺐ ﺳﺆﺍﻝ
ﻳﻤﻜﻦ ﺣﺘﻰ ﺍﺻﻌﺐ ﻣﻦ ﻋﻠﻢ ﺍﻟﻔﻠﻚ
ﻟﻴﺶ ﻛﻞ ﺷﻲﺀ ﺑﺪﺍﺧﻠﻲ ﻳﺪﻭﺭ ﻋﻠﻴﻚ ؟؟
ﻟﻴﺶ ﮔﻠﺒﻲ ﺑﺎﻟﻌﺸﮓ ﻳﻨﺒﺾ ﺍﻟﻚ ؟؟؟
ﺁﻧﺔ ﻳﻤﻜﻦ ﻟﻮ ﺍﻋﻮﻓﻚ ﻟﺤﻈﺔ ﺍﻣﻮﺕ
ﻭﺍﻋﺘﻘﺪ ﻟﻮﻣﺎ ﻋﺸﮕﺘﻚ ﺍﻧﻬِﻠﻚ
====================

[حلم ألخيال]

ﺣﺘﻰ ﺍﻟﻤﻮﺕ ﻟﻮ ﻣﻨﻚ ﻳﺠﻲ ﺍﻗﺒﻞ
ﺷﻮﺻﻒ ﺑﻴﻚ ﮔﻠﻲ ﺑﻴﺎ ﻛﺘﺮ ﺗﻨﺸﺎﻑ
ﻭﺇﺫﺍ ﺻﺪﮒ ﺃﻭﺻﻔﻚ ﻳﻤﻜﻦ ﺃﺗﺨﺒﻞ
ﻳﻤﻜﻦ ﺃﻧﺖ ﻳﻮﺳﻒ ﻭﺃﺣﻠﻪ ﻣﻨﻪ ﻫﻮﺍﻱ
ﺟﻤﺎﻟﻚ ﻣﺸﻜﻠﻪ ﻭﻛﻠﺶ ﺻﻌﺐ ﺗﻨﺤﻞ
ﺿﻌﺖ ﻣﺎﺑﻴﻦ ﺃﺣﺒﻚ ﻟﻮ ﺃﻭﺻﻒ ﺍﻟﺒﻴﻚ
ﺗﻬﺖ ﻭﻋﻴﻮﻧﻲ ﻣﺎ ﻇﻨﻬﺎ ﺑﻌﺪ ﺗﻨﺪﻝ
ﺑﻌﻴﻮﻧﻚ ﺑﺤﺮ ﻭﺍﺳﺮﺍﺭﻩ ﺗﺪﺭﻱ ﻫﻮﺍﻱ
ﺑﺠﺮﻑ ﺷﺎﻃﻴﻪ ﻏﺮﮔﻦ ﺳﻔﻦ ﺑﺎﻷﻛﻤﻞ
ﺷﺠﺎﻧﻲ ﺗﻮﺭﻃﺖ ﻭﻳﺎﻙ ﮔﻠﻲ ﺷﻠﻮﻥ
ﻣﻨﺼﻴﺮ ﺍﮔﺒﺎﻝ ﻋﻴﻨﻚ ﺍﺑﮕﻪ ﺍﺗﻤﻠﻤﻞ
ﺑﻴﻚ ﺑﻼ ﻏﺮﻭﺭ ﺍﻟﻨﺎﺱ ﻛﻠﻬﺎ ﺗﺼﻴﺢ
ﺟﻤﺎﻟﻚ ﻗﻤﻪ ﻭﺍﻟﺤﻠﻮﻳﻦ ﺑﺎﻷﺳﻔﻞ
ﻛﻞ ﻣﺤﺘﻞ ﻟﺮﺿﻨﻪ ﻧﻘﺎﻭﻣﻪ ﺑﺴﻼﺡ
ﺑﺲ ﻳﻤﻚ ﺗﺬﻭﺏ ﺍﻷﺳﻠﺤﻪ ﻭﺗﻨﺬﻝ
ﺻﺎﺭﻭﺥ ﺍﻟﺒﻌﻴﻨﻚ ﺃﻗﻮﻯ ﻣﻦ ﻛﺮﻭﺯ
ﻭﺑﺼﺪﺭﻙ ﻣﺪﺍﻓﻊ ﮔﻠﻲ ﺷﻨﻬﻮ ﺍﻟﺤﻞ
ﺧﺼﺮﻙ ﻣﻮ ﺧﺼﺮ ﻣﻌﻀﺪ ﺯﻧﺪ ﺑﻠﻘﻴﺲ
ﻭﺍﻟﻲ ﻳﺸﻮﻑ ﻃﻮﻟﻚ ﺑﺎﻥ ﻻ ﺃﻋﺪﻝ
ﻭﺭﺩ ﺍﻟﺠﻮﺭﻱ ﺩﻧﮓ ﺧﺠﻞ ﻣﻦ ﻣﺮﻳﺖ
ﻷﻥ ﻋﻄﺮﻙ ﺳﺤﺮ ﻛﻞ ﺳﺎﻋﻪ ﻳﺘﺒﺪﻝ
ﺭﺩﺕ ﺃﻗﻔﻞ ﻋﻴﻮﻧﻲ ﻭﻣﺎ ﺃﺷﻮﻓﻚ ﻳﻮﻡ
ﻟﻨﻬﺎ ﺗﺼــــــــﻴﺢ ﺑﻴﻪ ﺑﻴﻤﻦ ﺃﺗﻜﺤﻞ
ﻳﺎﺳﻠﻮﺓ ﺣﻴﺎﺗﻲ ﻭﺍﻟﺰﻣﻦ ﻭﺍﻟﺮﻭﺡ
ﺣﺘﻰ ﺍﻟﻤﻮﺕ ﻟﻮ ﻣﻨﻚ ﻳﺠﻲ ﺃﻗﺒﻞ
=====================

[حلم ألخيال]

ﺷﻨﺴﻪ ﻣﻨﻚ ﻭﺍﻧﺘﻪ ﻧﺴﻴﺎﻧﻚ ﺻﻌﺐ ....
ﺷﻨﺴﻪ ﻣﻨﻚ ﻭﺍﻧﺘﻪ ﻣﻦ ﺣﺒﻚ ﻧﻬﺮ ﺑﻴﻪ ﻳﺼﺐ ...
ﺷﻨﺴﻪ ﻣﻨﻚ ﻭﺍﻧﻲ ﻧﺎﺭ ﺑﺮﻭﺣﻲ ﻣﻦ ﺫﻛﺮﻙ ﺗﻜﺐ ...
ﺷﻨﺴﻪ ﻣﻨﻚ ﻭﺍﻧﺘﻪ ﺑﻴﻪ ﺗﺪﻙ ﻣﺜﻞ ﺩﻙ ﺍﻟﻜﻠﺐ ...
ﺷﻨﺴﻪ ﻣﻨﻚ ﻭﺍﻧﻲ ﺣﺒﻲ ﻭﻳﺎﻙ ﺍﺑﺪ ﻣﺎﻣﺜﻠﻪ ﺣﺐ ...
ﺷﻨﺴﻪ ﻣﻨﻚ ﻭﺍﻧﺘﻪ ﻟﻮ ﻟﺤﻈﻪ ﻏﺒﺖ ﺍﺑﻘﻪ ﺑﺮﻋﺐ ....
ﺷﻨﺴﻪ ﻣﻨﻚ ﻭﺍﻧﻲ ﺍﺷﻮﺍﻛﻲ ﺍﻟﻚ ﺻﺎﺭﻥ ﻛﺘﺐ ...
ﺷﻨﺴﻪ ﻣﻨﻚ ﻭﺍﻧﻲ ﻟﺠﻠﻚ ﻛﻤﻠﺖ ﻫﺬﺍ ﺍﻟﺪﺭﺏ ...
ﺷﻨﺴﻪ ﻣﻨﻚ ﻭﺍﻧﻲ ﻛﻠﺒﻲ ﻛﺎﺗﺐ ﺍﻋﻠﻪ ﺍﻟﺒﺎﺏ ﻏﻴﺮﻙ ﻣﺎ ﻳﻄﺐ ...
ﺷﻨﺴﻪ ﻣﻨﻚ ﻭﺍﻧﺘﻪ ﺣﺘﻪ ﺍﻟﻤﺎﻱ ﺑﻌﺪﻙ ﻣﺮ ﺻﻔﻪ ﻭﻣﺎﻳﻨﺸﺮﺏ ...
ﺷﻨﺴﻪ ﻣﻨﻚ ﻟﻮ ﻧﺴﻴﺘﻚ ﺑﻴﻦ ﺭﻭﺣﻲ ﻭﻛﻠﺒﻲ ﻭﺍﻟﻠﻪ ﺍﺷﻌﻞ ﺣﺮﺏ ...
ﺷﻨﺴﻪ ﻣﻨﻚ ﻭﺍﻧﺘﻪ ﺍﻗﺮﺏ ﻭﺍﺣﺪ ﺍﻋﻠﻪ ﺍﻟﺮﻭﺡ ﻛﻞ ﺍﻟﻨﺎﺱ ﻣﻮ ﺫﺍﻙ ﺍﻟﻘﺮﺏ ...
ﺷﻨﺴﻪ ﻣﻨﻚ؟؟؟؟ﺻﺪﻛﺖ ﺍﻧﺴﺎﻙ؟؟؟ ﺑﺎﺑﻪ ﺍﻧﺘﻪ ﺍﻟﻜﻠﺐ
======================================

[حلم ألخيال]

ﺑﺲ ﺍﺭﺟﻊ ﻟﺨﺎﻃﺮﻱ ﺻﻴﺮ ﻋﻠﻰ ﻧﺤﺮﻱ ﻋﻄﺮ
ﺻﻴﺮ ﻋﻠﻰ ﺟﻔﻨﻲ ﻛﺤﻞ ﺣﻠﻴﻨﻲ ﺑﻴﻦ ﺍﻟﺴﻤﺮ
ﺗﻌﺒﻨﻲ ﺫﺭﻑ ﺍﻟﺪﻣﻊ ﺑﺲ ﻣﺎﻃﻔﺎﻟﻲ ﺍﻟﺠﻤﺮ
ﺑﺮﻛﺎﻥ ﻓﻲ ﺩﺍﺧﻠﻲ ﻭﻳﺎﺧﻮﻓﻲ ﻻﻳﻨﻔﺠﺮ
ﺷﻤﺄﺧﺮﻙ ﻣﺎﺗﺠﻲ ﻣﺎﻇﻞ ﺍﻟﻚ ﻛﻞ ﻋﺬﺭ
ﺍﻫﻼﻝ ﺟﺮﺣﻚ ﻛﻤﻞ ﺍﻱ ﻛﻤﻞ ﻭﺍﺻﺒﺢ ﺑﺪﺭ
ﺻﺪﻛﻨﻲ ﺣﻴﻞ ﺍﺗﻌﺒﺖ ﺣﺒﻚ ﻋﺴﺮ ﻣﻮ ﻳﺴﺮ
ﺍﺗﺮﺟﻴﺖ ﻭﺗﻮﺳﻠﺖ ﺑﻴﻚ ﺷﻜﺜﺮ ﻭﺷﻜﺜﺮ
ﻣﺎﻓﺎﺩ ﺑﻴﻚ ﺍﻟﺮﺟﻪ ﻭﺟﺒﺮﺗﻨﻲ ﻟﻬﻞ ﺍﻣﺮ
ﻣﺎﺑﻌﺪ ﺍﺿﻠﻦ ﺷﻬﺪ ﺧﻠﻴﻚ ﻣﻨﻲ ﺣﺬﺭ
ﻭﺍﺣﺠﻴﻬﻪ ﻻﺗﺴﺘﺤﻲ ﻛﻮﻝ ﺍﻧﺖ ﻃﺒﻌﻚ ﻏﺪﺭ
ﺣﺒﻚ ﺗﺤﻴﺔ ﺻﺒﺢ ﻣﺎﺗﻠﻔﺾ ﺑﺎﻟﻌﺼﺮ
ﺭﻭﺡ ﻭﺑﻌﺪ ﻻﺗﺮﺩ ﺷﻲ ﻋﺎﺩﻱ ﺻﺎﺭ ﺍﻟﻬﺠﺮ
========================

[حلم ألخيال]

ﺍﺫﺍ ﺻﺎﺑﻚ ﻣﺮﺽ ﺑﻌﻴﻮﻧــــــــﻚ ﺍﻟﺤﻠﻮﺍﺕ
ﺭﺍﺡ ﺍﻧﻄﻴﻚ ﻋﻴــــــﻦ ﻭﻋﻴــــــﻦ ﺍﺑﻘﻴﻬﺎ
ﻭﺍﺫﺍ ﻃﺎﺑﺖ ﻋﻴﻮﻧﻚ ﻫﻢ ﺍﺧﺬﻫﺎ ﺍﻟﻌﻴﻦ
ﺗﺴﺘﺎﻫﻞ ﻋﻴــــــــــﻮﻧﻲ ﻭﺑﻴﻚ ﺍﺧﻠﻴﻬﺎ
ﺍﺭﻳﺪ ﻋﻴﻮﻧﻲ ﺗﺤــــــــﻠﻢ ﺑﻴﻚ ﻟﻴﻞ ﻧﻬﺎﺭ
ﺣﺘﻰ ﺍﺣﻀﻦ ﺩﻣﻮﻋـــــــﻚ ﻣﺎ ﺍﺑـــﺪﻳﻬﺎ
ﻭﺍﺫﺍ ﺧﻨﻜﺘﻚ ﻋﺒﺮﻩ ﻭﺭﺩﺕ ﺗﺒﺠﻲ ﺩﻣﻮﻉ
ﺧﻄﻴﻪ ﻋﻴﻮﻧﻚ ﺍﻧﺖ .. ﻋﻴﻮﻧﻲ ﺑﺠﻴــﻬﺎ
========================

[حلم ألخيال]

صباح الخير يمدلل ... صباح الخير وشلونك
شلون الصحه والاحوال ... عساك بأفضل واحسن
صباح الخير رديلي .. منهو الي علي يسأل
كلتلها هـذا انـــا ـــ انا الهيـــمان ـــ انا الولـهــــان ـــ انا الحيران .... ما أندل
انا الشارد ــــ انا الوارد ــــ الك رايد ـــ اذا تقبل
اجيت والك متعني وانا الكلمات فــــــــــوك اللساني ما تنزل
اطالع بيك اكول الله حسنك والحلى مفصل
يلوك اعليك كل حسنك وانت من الجمال اجمل
اطالع بيك عيونك بحر هايج وانا البحار مبحر بيه
واخذ وياه مجذافي واشراعي ميتحمل .
اطالع بيك وخدودك ورد قداح والقداح لو شافك يرد يذبل يالخدودك فلا تذبل
اطالع بيك يبدر وشعشع بدنياي
واكلك يا كمر انزل احس العمر بفراكك ليل اسود ضلام اكمل
يتخبل كل ضلام الليل اذا وجهك علي يهل
مشتاق الك وانا كبالك سيصبر الروح لو ترحل
ويحلم البيه اضل عايش ويحلم البيه اتكمل
وانا احلامي ربيع ورود يلو تلفي تلكي من الورد مشتل
لجن حيف الوكت بيدك حشلي الورد حش منجل
قسمتي وياك اضل ساكت قسمتي وغصب اتحمل
================================

[حلم ألخيال]

بيه شوغه
واحد اخرس
سدوا الباب اعله اصبعه
وبيه خنكه
واحد اعمه
اعله الشمس غنوله ربعه
وبيه حسره
جامع الله
اذن وماشاف واحد
بالجذب صلاله ركعه
=================

[حلم ألخيال]

هدني بداعة الله ارحمني اترجاك
اي موضوع عن العشك لا تفتح
ولَك تعبني ذكرك غادر التفكير
شعندك بالعقل بس تسرح وتمرح
شلك بمتحان وساعه ماقريك
حته من أرد أغشن بيك ما انجح...
====================