هنا

[حلم ألخيال]

=======================================

يعاندني القلم لوردت اكتب بيك
عكس ما اريد .... يكتب هو عنك!!
كَتله اكتب : كَضت عشرتنه وياك
كتب : ياروحي احبك ما املك
كَتله اكتب : ماريدك دغش بيك
... كتب : اهواك يل المزيون كلك
طلع حتى القلم ...دايخ ولك بيك
يصفط اشعار من يشعر بــظــــلك
======================

[حلم ألخيال]

عاتبت الكمر هلبت يعجل الليل
مامش نوم ليلك سهر راواني
زاعلت القوافي وعفت الاشعار
وبشارع فركتك تيهت عنواني
جن يعقوب بغيابك تهل العين
متآمل الدرب بعيوني واحزاني
الصايم عشك شوفه حبيبه اذان
والعايش جرح ما حاجه للثاني
كلبك مايحن للعشره والايام !
شاعر كلبي من بعدك رثاني
انطيتك عمر جاهل عمره سنتين
شايب شو رجع كلبي ويعاني
=====================

[حلم ألخيال]

ﺍﺧﺬ ﻣﻦ ﺩﻣﻲ ﺣﺒﺮ ﻟﻮ ﻭﺷﻠﺖ ﺣﺒﺮﻙ
ﻻﺯﻡ ﻛﻠﺒﻲ ﺑﻴﺪﻱ ﻭﻛﺎﻋﺪ ﺍﻧﺘﻈﺮﻙ
ﺗﺎﻧﻴﺘﻚ ﺗﺠﻲ ﻭﻣﺎﺟﻴﺖ ﺷﻤﺼﺒﺮﻙ
ﻭﺍﻛﻒ ﻛﻞ ﻛﻴﺎﻧﻲ ﻭﺭﻭﺣﻲ ﺗﺘﻠﻜﺎﻙ
ﻣﻦ ﻛﻠﺒﻲ ﺍﻧﺪﻋﻲ ﺍﻟﻤﺎﻧﻊ ﻋﺴﻪ ﻷﻣﺮﻙ
ﺩﻛﺎﺕ ﺍﻟﻜﻠﺐ ﺗﺤﺴﺒﻠﻚ ﺍﻟﻠﺤﻈﺎﺕ
ﻭﻋﻴﻨﻲ ﻣﻌﻠﻜﻪ ﺍﻋﻠﻪ ﺍﻟﺒﺎﺏ ﺗﻨﺘﻈﺮﻙ
ﻟﺤﻈﺎﺕ ﺍﻧﺖ ﻋﻨﺪﻙ ﻭﺍﻧﻪ ﻋﻨﺪﻱ ﺳﻨﻴﻦ
ﻭﺳﻨﻴﻨﻲ ﺑﻤﺤــــﺒﺘﻚ ﻧﺴﺘﻚ ﻗﻬــــــــﺮﻙ
ﻣﺎﻻﺯﻡ ﺗﺠﻴﻨﻲ ﻭﻻ ﺗﺸﻮﻓﻚ ﻋﻴــــــــﻦ
ﺑﺲ ﻣﻨﻚ ﻋﺬﺭ ﻭﺩﻳﻠﻲ ﻋﻦ ﻫﺠــــﺮﻙ .
ﺯﺭﻋﺖ ﻛﻞ ﻋﻤﺮﻱ ﻟﺠﻠﻚ ﻣﻦ ﻭﺭﻭﺩ ﺍﺷﻜﺎﻝ
ﻭﻋﻄﺮ ﻭﺭﺩﻱ ﺑﺪﻻﻟﻚ ﻣﺎﻳﺠﻲ ﻟﻌﻄـــــــﺮﻙ
ﻋﻤﺮﻱ ﺍﻧﻄﻴﻚ ﻟﻮ ﻣﻨـــــــﻲ ﻋﻤﺮ ﺗﺤﺘﺎﺝ
ﻭﺍﻣﻮﺗﻨﻠﻚ ﺑﻌﺪ ﺧﺎﻃﺮ ﻳﻀﻞ ﻋﻤـــــــــﺮﻙ
ﻭﻣﻮ ﺑﻔﻠﻮﺱ ﻛﻠﺒـــــــﻲ ﻭﻻ ﺳﻌﺮ ﻳﻨﺒﺎﻉ
ﻻﻧﻚ ﺍﻧﺖ ﺑــــﻲ ﻏﺎﻟﻲ ﻳﻀﻞ ﺳﻌـــــﺮﻙ
ﺑﺲ ﻭﺻﻴﻪ ﺍﻭﺻﻴﻠﻚ ﻗﺒﻞ ﻻ ﺍﻣﻮﺕ
ﺍﺣﻔﻆ ﺳﺮﻱ ﻣﺎﻳﻮﻡ ﻓﻀﺤﺖ ﺳﺮﻙ
ﻭﺍﻛﺘﺐ ﻋﺎﻟﻜﺒﺮ ﻫﺬﺍ ﺍﻟﻔﺪﺍﻧﻲ ﺍﻟﺮﻭﺡ
ﻭﺍﺧﺬ ﺩﻣﻲ ﺣﺒﺮ ﻟﻮ ﻭﺷﻠﺖ ﺣﺒﺮﻙ
=====================

[حلم ألخيال]

كلش صعب عاليعشك النظرات
وانه اعشك نظرتك واحلم بشوفك
احبك لا قليلة الكلمة هاي وياك
انة لخاطر محبتك احضن اسيوفك
ردت كل يوم اشوفك بطل الغيبات
ومثل جنطت سفر علكني بجتوفك
===================

[حلم ألخيال]

ياواحة شعر يامكصد العشاك
ياصورة غزل والناس يقرونك
مجنون اليحبك كفر لو ينساك
يالشايل جمال الكون بعيونك
يالخدك ورد وتحب تشمه الناس
كالو لليبوسك الف خيعونك
يا بيت الحنان وعاطفه واحساس
يا ماي ونفس مانرهم بدونك. . . . .
====================

[حلم ألخيال]

تعال أرجع بعد مابيه حيل ‫أشتاگ
صرت بعدك غصن ومچلب ‫أبورگه
تعال اليوم يمكن تلگه بيه ‫أوشال
وأذا ترجعلي باچر كلشي ‫ماتلگه
===================
.

[حلم ألخيال]

انته يل حته انته يمكن يشتهيك ...
يغافلك بالليل ولحضانك ينس ...
منين جايب گلي كل هاي الحلاه ...
جانت امك بالحمل تشرب دبس ...
هيه نفس الطينه من نفس التراب ...
هــــمدانه شمالنه اللعب النفس ...
====================

[حلم ألخيال]

ﻣﻌﻘﻮﻟﺔ ﺍﻧﺘﻬﺖ ﻣﺎﻧﺨﻄﺮ ﺍﻋﻠﻪ ﺍﻟﺒﺎﻝ !
ﻭﻻ ﻣﺮﻩ ﺍﻭﻱ ﻧﻔﺴﻚ ﺗﺴﺄﻝ ﺍﻋﻠﻴﻪ ؟
ﺗﻌﺎﻝ ﺍﺷﺒﻴﻚ ﻣﺮ ﻭﺷﻮﻑ ﺣﺎﻟﻲ ﺍﺷﻠﻮﻥ
ﻣﺜﻞ ﺷﺎﻳﺐ ﺻﻔﻴﺖ ﺍﺑﺄﻳﺪﻩ ﻋﻮﭼﻴﻪ
ﺗﻌﺎﻝ ﺍﺑﻐﻴﺒﺘﻚ ﻃﮕﺎﻧﻲ ﻭﻛﺖ ﺍﻟﻌﻮﺯ
ﻭﺻﺮﺕ ﻣﺜﻞ ﺍﻟﻴﺘﻴﻢ ﺍﻳﺘﺎﻧﻲ ﻋﻴﺪﻳﻪ
ﺗﻌﺎﻝ ﺍﻟﻨﺎﺱ ﺗﺴﺄﻝ ﻭﻳﻦ ﻭﻟﻔﻚ ﺭﺍﺡ
ﺷﺠﺎﻭﺑﻬﻢ ﻭﺍﮔﻠﻬﻢ ﻫﻢ ﺍﻟﻚ ﺟﻴﻪ ؟
ﺗﻌﺎﻝ ﺍﺷﺒﻴﻚ ﻟﻮ ﻣﺮﺕ ﺣﻠﻢ ﺑﺎﻟﻠﻴﻞ
ﺗﻌﺎﻝ ﻭﺷﻮﻑ ﺷﻨﻬﻮ ﺍﺷﺒﻴﻪ ﻣﺎﺑﻴﻪ
ﺗﻌﺎﻝ ﺍﻟﺮﻭﺡ ﺗﺴﺄﻟﻨﻲ ﻋﻠﻴﻚ ﺍﻫﻮﺍﻱ
ﻭﺗﻄﻠﺐ ﺷﻮﻓﺘﻚ ﺻﺪﮔﻨﻲ ﻳﻮﻣﻴﻪ
ﺗﻌﺎﻝ ﺍﺳﺄﻝ ﺍﺟﺮﻭﺣﻲ ﺍﻟﻜﺒﺮﻥ ﺍﻣﻦ ﺳﻨﻴﻦ
ﻫـــﺬﻥ ﺗﺬﻛﺎﺭ ﻣﻨﻚ ﺿﺎﻣﻬﻦ ﻟﻴﻪ
ﺗﺠﻲ ﻟﻮ ﻣﺎﺗﺠﻲ ﺍﺑﻘﻪ ﺍﻧﻪ ﺍﻟﻤﺘﺎﻧﻴﻚ
ﻭﺗﻈﻞ ﺭﻭﺣﻲ ﺍﺑﻬﻮﺍﻛﻢ ﺻﺪﮒ ﻣﺴﺒﻴﻪ
=====================

[حلم ألخيال]

ﺗﺴﻤﺤﻠﻲ ﺍﺫﺑﺤﻚ ﻭﺍﺧﺬ ﻋﻴﻮﻧﻚ
ﻭﺍﺷﻮﻓﻦ ﺑﻴﻚ ﻭﺍﻧﺖ ﺍﺷﻮﻑ بعيوني
ﻭﺗﺴﻤﺤﻠﻲ ﺍﻧﺴﺨﻚ ﻭﺍﻣﺴﺢ ﺍﻟﺘﺼﻮﻳﺮ
ﻭﺣﻄﻚ ﻭﺳﻂ ﻋﻴﻨﻲ ﻭﺍﻗﻔﻞ ﺟﻔﻮﻧﻲ
ﻭﺗﺴﻤﺤﻠﻲ ﺍﺷﻤﻚ ﻭﺍﺷﻬگ ﺍﻧﻪ ﻭﻳﺎﻙ
ﺧﺎﻃﺮ ﻻﻳﺸﻤﻚ ﺑﻌﺪﻱ ﺍﻱ ﺩﻭﻧﻲ ...
ﺗﺴﻤﺤﻠﻲ ﺍﻓﻚ ﻛﻠﺒﻚ ﻭﺍﻧﺎﻣﻦ ﺑﻴﻪ
! ﺧﺎﻃﺮ ﻣﻦ ﺗﺠﻲ ﺍﻟﻌﺬﺍﻝ ﻳﻠﻜﻮﻧﻲ
ﻭﺫﺍ ﺗﺴﻤﺢ ﺍﺑﻮﺳﻚ ﻭﺍﺷﺘﻌﻞ ﻧﻴﺮﺍﻥ
ﺣﺘﻰ ﺍﻧﻌﻞ ﻭﺍﻟﺪﻳﻬﻢ ﻟﻮﻳﻄﻔﻮﻧﻲ
ﺗﺴﻤﺤﻠﻲ ﺍﺷﺒﻜﻚ ﺷﺒكة ﺍﻟﻤﺸﺘﺎگ
ﻭﺍﻣﻮﺕ ﻣﻦ ﺍﻟﻠﻄﻢ ﻭﻳﻄﻴﺤﻦ ﻣﺘﻮﻧﻲ
ﺗﺴﻤﺤﻠﻲ ﺍﺑﻮگن ﺻﻮﺭﺗﻚ ﺑﺴﻜﻮﺕ
ﻭﺍﺣﻄﻨﻬﺎ ﻭﺍﻧﻮﺡ ﺍﻟﻠﻴﻞ ﺧﻠﻮني
====================

[حلم ألخيال]

ﺑﻴﻚ ﺍﻓﻜﺮ ﻟﺤﻀﻪ ﻣﺎﺍﻛﺪﺭ ﺍﻋﻴـــﺶ
ﺟﻔﻨﻲ ﺻﻌﺒﻪ ﻳﻐﻤﺾ ﻭﻳﻜﺪﺭ ﻳﻨﺎﻡ
ﻣﻦ ﻏﺒﺖ ﻟﻠﻴﻮﻡ ﺍﺣﺲ ﻧﻬﺎﺭﻱ ﻟﻴﻞ
ﻭﺍﻟﻔﺠﺮ ﻏﺒﺶ ﻋﻠﻴﻪ ﺑﻼ ﺣﻤـــــﺎﻡ
ﻭﺍﻟﻤﻮﺍﺩﻉ ﻳﻨﺬﻛﺮ ﺑﺲ ﻟﻠﻴﻤــــــﻮﺕ
ﺑﺎﻟﺠﺬﺏ ﺳﻮﻳﻬﻪ ﻭﺍﺫﻛﺮﻧﻲ ﺑﺴﻼﻡ
ﻣﻦ ﺍﺯﻋﻠﻚ ﺿﻠﻤﻪ ﺩﻧﻴﺎﻳﻪ ﺗﺼــــﻴﺮ
ﻭﺍﻟﻨﻔﺲ ﻳﺨﻨﻜﻨﻲ ﻭﺍﻳﺎﻣﻲ ﺿﻼﻡ
ﻭﻛﻠﺒﻲ ﺩﻛﺎﺗﻪ ﻳﺼﻴﺮﻥ ﺟﻦ ﺟﺮﺱ
ﻭﺭﻭﺣﻲ ﺟﻦ ﻃﺎﻟﺐ ﻳﻤﻞ ﻣﻦ ﺍﻟﺪﻭﺍﻡ
ﻭﻣﻦ ﺗﺰﻋﻠﻨﻲ ﺍﺷﻮﻓﻚ ﻣﺴﺘﺮﻳــﺢ
ﺣﺘﻰ ﻣﺘﻌﺎﺗﺒﻨﻲ ﻟﺤﻈﻪ ﺑﺄﻱ ﻛﻼﻡ
ﻫﻮﻩ ﻫﺬﺍ ﺣﺒﻚ ﺍﻟﺨﺎﺑﺼﻨﻲ ﺑـــﻲ
ﻭﻋﻠﻰ ﻛﻞ ﺣﺠﺎﻳﻪ ﺗﺘﻌﻤﺪ ﺧﺼـــﺎﻡ
ﺍﻧﺘﻪ ﻣﺘﺤﺒﻨﻲ ﻟﺘﻜﺬﺏ ﻛﺎﻓﻲ ﻋـــﺎﺩ
ﻟﻮ ﺗﺤﺒﻨﻲ ﺷﻮﻳﻪ ﺟﺎ ﺷﻔﻨﻪ ﺍﻫﺘﻤﺎﻡ
ﻭﺍﻟﻨﻌﺮﻓﻪ ﺍﻟﻌﺸﻚ ﻫﻢ ﺻﻌﺒﻪ ﻳﻌﻴﺶ
ﺍﺫﺍ ﻣﺎﻛﻮ ﺑﻴﻨﻲ ﻭﺑﻴﻨﻚ ﺍﻧﺴﺠــــﺎﻡ
ﺧﻠﺼﺖ ﻋﻤﺮﻱ ﺍﻭﺍﻓﻴﻠﻚ ﻭﺍﻛـــــﻮﻝ
ﺑﺎﺟﺮ ﻳﺤﺒﻨﻲ ﻭﻳﺸﻮﻓﻨﻲ ﺍﻟﻐــــﺮﺍﻡ
ﺍﺟﻪ ﺑﺎﺟﺮ ﻭﺍﻟﺸﻤﺎﺗﻪ ﺗﻜﻮﻟﻲ ﻫــﺎﺍﺍﺍ
ﻭﻃﻠﻌﺖ ﺍﻳﺎﻡ ﺍﻟﻌﺸﻚ ﻛﻠﻬﻪ ﺍﻭﻫﺎﻡ
ﻭﻳﻦ ﻣﺎﺻﺪﻟﻚ ﺍﺷﻮﻓﻚ ﺑﺲ ﺿﺒﺎﺏ
ﺷﻠﻮﻥ ﻣﺎﺷﻮﻓﻚ ﺍﺣﺲ ﻣﺎﻛﻮ ﺍﺣﺘﺮﺍﻡ
ﻋﻴﺐ ﻋﺎﻟﻮﺍﺣﺪ ﻳﺠﻲ ﻣﻠﺜﻢ ﺑﻠﻴــــﻞ
ﻫﺬﺍ ﻣﻦ ﺭﻭﺣﻪ ﻳﺨﺎﻑ ﻣﻮ ﻣﻦ ﺿﻼﻡ
ﻭﺭﻏﻢ ﻛﻞ ﺍﻟﺼﺎﺭ ﺿﻞ ﻛﻠﺒﻲ ﻛــــﺰﺍﺯ
ﻭﺻﺒﺮﻱ ﺑﺨﺼﻮﺻﻚ ﻭﺻﻞ ﺣﺪ ﺍﻟﻬﻴﺎﻡ
ﻭﺍﻟﺸﻤﺎﺗﻪ ﺑﺴﻴﺮﺗﻚ ﺗﻜﺴﺮﻧﻲ ﻟﻴﺶ
ﺍﻟﻨﻌﺮﻓﻪ ﺍﻟﺤﺼﻮ ﻫﻢ ﻳﻜﺴﺮﻟﻪ ﺟـــﺎﻡ
ﻫﺎﻱ ﻗﺼﺘﻲ ﻭﻳﺎﻙ ﺷﻮﻓﻬﻪ ﻭﺗﻌـــﺎﻝ
ﻭﺭﺍﺡ ﺍﺧﻠﻴﻚ ﺍﻟﻚ ﻣﺴـــﻚ ﺍﻟﺨﺘــــﺎﻡ
========================