من زرت البقيع (وصف الحال)
كلت انام وارمي حزني
ولوعتي ...
وكل الأ لـــم
◇◇◇◇
البارحه
زرت البقيع
وأنه نايم
جنت أحلم
وجن كبر من هالكبور
كبالي نصين أنكســـم
منه شفت البدر يطلع
نوره ساطع
مبتســم
◇◇◇◇
شفته يمشي بجدم ثابت
وأنه ما ضل بيه دم
مر عليَ بكل وقار
بكل وقار وعلي سَلم
أبيني احجي وبين نفسي
كلت أسأله أعلَ الأسم؟؟
◇◇◇◇
كبل ما أسأل أجاني
جنه يعرف أرد أسأله!!
جَنه يعلــم!!
كلي أنه أبن الرسول
أنه أبن سيد الأمم
وانه أبن خير النساء
الما مثلهه تصير أم
أنه من شاف المصيبه
الشاف ضلع امه نهشم
أنه أبن يعسوب دينك
أنه أبن فحل الفحول
السالمه بحربه سلم
انه أخو المذبوح ضامي
وجبده صابوه بسهم
أنه أخو المذبوح ظلما
يوم عاشر من محرم
أنه أخو الكطعوا جفوف
ومنه ما طاح العلم
أنه أخو الفضحت يزيد
بقصره وأبين الزلم
◇◇◇◇
أنه من مردوا جبدته
ومات بالسم
هاك هذا تراب كبري
ضمه وكت الضيج والهم
ومن تحس
مقبوض كلبك
منه طَلع حفته وشتـــــم
كلي هسه ..عرفت أسمــي ؟
◇◇◇◇
كتله منهو.. الما يعرفك يا عَلم
أنت أبو النفس الأبيه
والمباديء والقيــم
أنت من أكتب مصابك
دم يصب حبر القلم
أنت أبو النفس الكريمه
يا نبع كل الكرم
الحسن أنتَ أمامي
وأحنه الك كلنه خدم
وأحنه الك كلنه خدم
رد مع اقتباس
المشاركة الأصلية كتبت بواسطة محمد الوليد
