راح أحاجيني واكلي شلونك... وراح اجاوبها واكلها شلوّنّي؟
روحي فزّي ,كعدي من نومج تعاي.. حيل محتام على شوفة لوني
جانت الدنيه رسم . عبالي لا! ... ثاري من الوانها اختاروني
ثاري لون الماي من طبعه سراب... ومن سراب الوانهم حطوني
قشمروني , حيف وانا الجنت اكول... نجر كلش فنهم يلوحوني
غافلوني بليل والدنيه ظلام.. لاكمر بيها وتشوف عيوني
طبّوا بكلبي عبن انا فطير..... حيل فرحان وكلت حبوني
كمت اهوس هوسة مخبل غشيم.. كال ميتكم منو علموني
هجي صارت بيه حتى انا استحيت... كلت,يمكن , اضن ماعرفوني
كلت احطن دارمي ها بلكي ها
المو كفو للخيل خل يچفي عنها.
يعثر بالمصلعات لو هد رسنها.
كلت يمكن مو كفو خاطر اروح... خاطر انا اعترف ما عافوني
راح اخليلك بوذيه وبيها نار.... راح احطها وما اكولن دوني
سگم وانفض دمع عيني.. وره جفاك
بعد ياچف درء بهمـــي.. وره جفاك
ضگت كل ريج ماينفـــع..وريج فـاك
أحس طعمه من أهد ذيچ المسيه
بقلمي
السيد ضياء الصافي
اليوم
رد مع اقتباس
المشاركة الأصلية كتبت بواسطة قوت القلوب
