عاين للقصيدة ولا تــــــروح بعيد
القصيدة البيدي هاي ترد منواهة
مـــو غايتهة صفكة واهــــلية تريد
تــــريد الزلمـــة ذاك الفهم معناهة
القصيدة البيهة حيدر سلسة مثل الماي
والــمـــــابيهة حيدر واكــفــة الكاهة
حيدر هذا حيدر موش ياهـــو الجان
جبال بعزم جــــــــفة بضربة ساواهة
حيدر باب خيبر منـــة صاح الغوث
كــــبعـــــــــهة الزلم نسوان سواهة
حيدر بالحرب معروف ما ينشاف
بـــــــــس انصوص بالكبعان تلكاهة
والمالاحة حيدر ما يعوفة الـــمــوت
ضـــــــــــربة حيدر العباس اداهة
شال السيف حيدر بس اظن مو سيف
أيــــــــــد الله ولـــــــي الله شالاهة
ربــك كال اقـســط انـــــة بالميزان
وضــربة حيدر المــــــــيزان خلاهة
من فاتة فرض ردتلة شمسك هاي
كللـــــــهة ارجـــعي بــجفة رداهة
حــيـــدر بـــيــدة ذول الفقار بس بتار
بــــــــــس فــــــــقارة للايتـام رباهة
حيدر هذا حيدر مــــــنـــزلة هارون
بي وصــــــــة النبي والـــناس دلاهة
السفينة البيهة حيدر ترسي بالجنات
والتــــنكر علي بنار مـــــــرساهة
تدخل للجنان وناكر الكرار!!!!!؟؟؟
حط (مـــا) للصـــــدر وكتبهة وقراهة
للشاعر
حسين الوائلي
صائغ الحروف
رد مع اقتباس
