صباح الخير يمدلل ... صباح الخير وشلونك
شلون الصحه والاحوال ... عساك بأفضل واحسن
صباح الخير رديلي .. منهو الي علي يسأل
كلتلها هـذا انـــا ـــ انا الهيـــمان ـــ انا الولـهــــان ـــ انا الحيران .... ما أندل
انا الشارد ــــ انا الوارد ــــ الك رايد ـــ اذا تقبل
اجيت والك متعني وانا الكلمات فــــــــــوك اللساني ما تنزل
اطالع بيك اكول الله حسنك والحلى مفصل
يلوك اعليك كل حسنك وانت من الجمال اجمل
اطالع بيك عيونك بحر هايج وانا البحار مبحر بيه
واخذ وياه مجذافي واشراعي ميتحمل .
اطالع بيك وخدودك ورد قداح والقداح لو شافك يرد يذبل يالخدودك فلا تذبل
اطالع بيك يبدر وشعشع بدنياي
واكلك يا كمر انزل احس العمر بفراكك ليل اسود ضلام اكمل
يتخبل كل ضلام الليل اذا وجهك علي يهل
مشتاق الك وانا كبالك سيصبر الروح لو ترحل
ويحلم البيه اضل عايش ويحلم البيه اتكمل
وانا احلامي ربيع ورود يلو تلفي تلكي من الورد مشتل
لجن حيف الوكت بيدك حشلي الورد حش منجل
قسمتي وياك اضل ساكت قسمتي وغصب اتحمل