مو كتلي احبك ليش هيج وياي
مو كتلي احبك ليش هيج اوياي
بادلني بمحبتك لاتضل سكته
عمري الفات كلّه وكل طيور الشوك
لجلك ياعزيز الروح مو عفته
اني ادري الكمر من شاف وجهك شاع
منّك خجل منّك وانت صّفنته
واني ادري العكل مادوّخته الناس
بس انت بمحبتك حيل دّوخته
واني ادري الكلب ليلى انكلب هاليوم
وقيس انت صرت مو حكّه جننته
من ساماك غيري ابين كل الناس
كلت انه اشتريك وعمري رخّصته
بعت الروح لجلك ياعزيز الروح
بس حبّك شفتني شلون مابعته
بكد ماساهرت ليلي وانوح عليك
حتى اليل يبجي وياي سهّرته
احجي ولا تضل ساكت يماي العين
مو شعري الاكتبه عليك خجّلته
كدّرت العمر وسنينه شفته يلوك
ولاك اعليك جيف اعليك فصّلته
رد مع اقتباس
المشاركة الأصلية كتبت بواسطة عراقيه وافتخر
