هاي اكو شياب اثنين (جابر) ولثاني اسمه (سالم)
هاي اكو شياب اثنين (جابر)
ولثاني اسمه (سالم) يگعدون بالباب يشربون جاي
يسولفون ويظحكون ويضلون من الصبح لليل
يلله يگومون يوميه يم واحد بالباب
بس واحد يبعد عن الثاني منطقه
يعني مثل منگول مسافة الطريق ساعه
سالم گله خويه اني هاليام رجليه مايعينني
وبيه مابيه يلله اوصلك انه اليوم يمك
بس باجر انته تجيني مو ماتجي
طبعأ جان جابر اكبر من سالم عمرأ
ومن راد يگوم سالم گله خويه
هاليام گلبي يوجعني وختنگ اهواي
ومثل ماگلت جانو اهواي يضحكون
گله لا اسويلك سالفه حته ماتريد تجي
وضحكو اثنينهم گله لا انشاء الله باجر اجيك
المهم ذاك اليوم اصويحبه جابر طاح
طريح افراش لان راح للدكتور وگله عندك
ذبحه قلبيه لازم متتعب ولا تمشي اهواي لازم ترتاح
وظل سالم ينتظر ويبوع على الطريق
وما اجاه جابر ظل يلوب مر واحد من يمه گله
رايح لفلان منطقه گله اي عمي سالم
رايح لفلان منطقه گول محتاج شي
اجيبلك مناك گله لا بس هاي ورقه
واريدك تطيهه لعمك الجابر
ومن اترد جيبلي منه مكتوب
وهنا بده المناوب بيناتهم المدة 6ايام
كتب سالم
ظليت الوب اعليك يا جابر اشصار
شو گلبي احس ملجوم وديلي الاخبار
رد جابرفي اليوم الثاني
ياخبر يا مكتوب گلي اشودي
هذا الوكت بذات ونگلب ظدي
رد سالم في اليوم الثالث
شنهي الوكت يا خوي معقوله دگاك
جابر وعرفك زين مايلعب اوياك
رد جابرفي اليوم الرابع
اي والله سالم حيل طگني الوكت ذاك
.. خلاني مامر بيك ما اگعد احذاك
رد سالم في اليوم الخامس
جايك يجابر جاي متعني الك جاي
متعود اله اوياك اني اشرب الجاي
رد جابرفي اليوم السادس
اهلأ وسهلأ بيك توه الالم راح
صدگني بس وياك گلبي اني يرتاح
---------------------------------------------------------------------
رد مع اقتباس
المشاركة الأصلية كتبت بواسطة Bara .ff
