ازاي تكوني أنيقة وأنتي بالحجاب الشرعي .
ازاي تكوني أنيقة وانتي منتقبة.
حبايبى البنات أنا بقي هاقولك ازاي تكوني أنيقة في ملابسك طبعا كتير من البنات الغير محجبات يلبسن كل ما هو علي الموضة من الوان واستيلات وطبعا بناطيل اشكال والوان وحاجات تانية كتير (ربنا يعافينا) ويا سلام بقي علي المكياج بتحسي انها خارجة من بيتها عروسة ازاي بتخرج كده بصراحة مش عارفة (ما علينا).
المهم انتي بقي تقدري تكوني انيقة جدا مع ان لبسك هيكون لون واحد وطويل وواسع طبعا ها تقوليلي ازاي , انا اقولك ماتحرميش نفسك من اي حاجة , ولكن اهم حاجة علشان تكوني انيقة هو
– عند شراء الملابس يجب ان تهتمي بجودة وماركة الملابس
مش شرط تكون غالية اوي بس تكون قيمة يعني لو انتي منتقبة يكون افضل ان يكون موحد اللون بمعني ان يكون النقاب مثل الخمار او الادناء او الملحفة او العباءة وطبعا ما تنسيش الجوانتي والجورب (الشراب) ان يكونوا موحدين اللون ويفضل ان يكون اللون الاسود عموما اللون الاسود هو ملك الالوان ولما بتكون الملابس فيه واسعة فضفاضة بيكون حلو اوي .
حتي حبيبتي لو انتي لاحظتي في عروض الازياء الخليجية هتلاقي كل الملابس التي يعرضونها واسعة فضفاضة وبيكون اكثر الملابس لونها اسود.
– تاني حاجة واهم حاجة هي نظافة ملابسك , خلي دائما ملابسك نظيفة مكوية مرتبة حتي الحذاء يجب ان يكون نظيفا ليس علية تراب او ما شبه ذلك والشنطة ايضا حبيبتي يجب ان تكون قريبة من الحذاء من ناحية اللون والشكل والنوع ويفضل ان يكون الشنطة والحذاء سادة يعني يكونوا حاجة رقيقة ده بيكون افضل .
كده المفروض نكون خلصنا نصائح عند الشراء , ها نتكلم بقي عن وقت اللبس لازم وانتي بتلبسي تنتقي اي قطعة تلبس الاول يعني ترتبيها , وتلبسي لبسك كامل يعني ما تكونيش مستعجلة وتلبسي اي حاجة وخلاص لازم حبيبتي يكون لبسك في هدوء .
وطبعا انتي بتلبسي علشان اكيد بتكوني خارجة من البيت يعني لازم تتاكدي ان كل حاجة في مكانها وكل حاجة مظبوطة بمعني انك ما تنسيش الجوانتي او غيره.
كده لما تكوني منظمة في لبسك هاتكوني احلي ان شاء الله.
المصدر : موقع ام حسن
رد مع اقتباس
