أهلا أستاذ شيفرة ... بالنسبة لي ماعندي أي موضوع نسمع آراء البقيةالمشاركة الأصلية كتبت بواسطة شيفرة دافنشي
أهلا أستاذ شيفرة ... بالنسبة لي ماعندي أي موضوع نسمع آراء البقية
السلام على كل المتابعين
نستمع إذن لآراء الأصدقاء لانا ... عليكم السلام لقاء
طيب ....بما انه ما احد اقترح شي ..خل اسولفلكم :
اكو موقف صار وياية قبل اسبوع ... كان زوجي مسافر ..و من رجع اهدى لي عطر ..
و سولفلي شلون اختار العطر .
فتحت العلبة و من شفت العطر بين ايدية ...و شميته ..حسيت انه اني اعرف هالموقف ..اعرف الطريقة اللي هو اختار العطر بيها ..اعرفها لأن هو حاجيها الي قبل مثل ما حجاها هسة ...العطر شايفته ..و اعرفه كلش زين ...و ريحته مألوفة جدا و كأنما مستعملته عمر .
طبعا ماكو داعي اكوللكم انه فعليا ..هذي اول مرة الزم هيج عطر بيدي ..و ريحته جدا مميزة ما تشبه اي عطر اني مشتريته بحياتي ...و شكله كولش غريب و لونه مميز ...
و لحد الان كل ما استعمله ..اراجع نفسي ..معقولة هاي اول مرة اشوفه بحياتي ؟ معقولة هاي اول مرة هو يشتريه الي ؟
فد شي صادم بكل معنى الكلمة ..
موقف عايشته سابقا الى درجة ديخليني بكل رشة عطر اراجع ذاكرتي ..
بس هالمرة مو الموضوع يم ذاكرتي وحدها حتى اشكك بيها ..الموضوع اكو شخص اخر شاهد عليه ( زوجي ) اللي هو متأكد انه هالشي ما صاير قبل ..و مستغرب جدا من شعوري .
طبعا كلكم مريتو بهيج تجارب ..بس يمكن بلمحات بسيطة ...لو هيج قوة ؟
شنو تجاربكم ..و شنو تفسيركم ؟
ما أتذكر شنو الاسم العلمي لهاي الحالة ... لكنني مررت بها كثيراً ... آخر مرة كنت كاعد ببيت أقاربي .. و اندك الباب ... بشكل مباشر و مفاجئ كلت ويه نفسي هذا فلان و وياه عائلته ... بالفعل طلع هو وعائلته و سلموا و دخلوا بنفس الطريقة اللي عشتها بذهني !! التفسير ؟ اممممم لم أقتنع بتفسير علمي حين راجعت كوكل عن هذا الأمر منذ فترة ... أجهل سببه كجهلي بسبب ظواهر أخرى كالحلم مثلاً ... موضوع حلو فيري شكراً لكِ
طبعا ... مرات الكلام اللي تكوليالي اختي ع موضوع معين متأكدة انو حاجيتيالي قبل .. و من اسألها تكول لي ابد ما حاجيته الج هاي اول مرا -_- .. قبل كم يوم قريت هل تعلم انو الطفل ببطن امه يشوف كل حياته من اول ما ينولد لحد ما يموت لذلك يحس انو اكو مواقف مارة عليه قبل .. و الله اعلم
و هذا ابو ( هل تعلم ) شمدريه عيني الطفل اشدايشوف ابطن امه !!طبعا ... مرات الكلام اللي تكوليالي اختي ع موضوع معين متأكدة انو حاجيتيالي قبل .. و من اسألها تكول لي ابد ما حاجيته الج هاي اول مرا -_- .. قبل كم يوم قريت هل تعلم انو الطفل ببطن امه يشوف كل حياته من اول ما ينولد لحد ما يموت لذلك يحس انو اكو مواقف مارة عليه قبل .. و الله اعلم
اووف من هل تعلم اللي ع النت هالايام ..شكد بيها ثرد بصف الماعون ..هههه
فد شي مرعب بلحظته ..شكد نحاول نتأقلم وياه بس يصدمنا بوقت حدوثه المشكلة بلحظتها متعرف تحجي . تسكت ...اي شي رح تحجيه ما يوصف شعورك .
أخر مرة صارت طبيت بشارع وحسيت اني طاب بي كبل مدة والناس الشفتهم همينهاي ليكته من عمو كوكل هل يحدث لك احيانا أن تشعر بانك رأيت الموقف الحاضر من قبل بجميع تفاصيله أو زرت هذا المكان من قبل أو رأيت هذا الشخص من قبل !!هذه هي ظاهرة ديجاڤو كلمة فرنسية تعني ( شوهد من قبل ) في إشارة إلى ظاهرة أُطلق عليها هذا الاسم من قبل العالم إمِيل بُويَرْك في كتابه (مستقبل علم النفس ) .
وهي الشعور الذي يشعر به الفرد بأنه رأى الموقف الحاضر من قبل بجميع تفاصيله .. والتجربة السابقة التي يهيأ لنا بأننا عشناها عادة ما تكون زارتنا في أحد أحلامنا , ولكن في بعض الحالات ثبتت بأن فعلاً ما نشعر بأنه موقف سابق قد كان حقيقة ووقع في الماضي والآن يُعاد
و التفسير العلمي الأكثر دقة لهذه الظاهرة ربما يرجع إلى شذوذ الذاكرة حينما تعطي مشاعر خاطئة تقول للمخ بأننا عشنا هذا الموقف من قبل لكننا لا نستطيع تذكر تفاصيل الموقف “السابق” (أين, متى, كيف). عندما يمر الوقت, الشخص يستطيع استرجاع بعض التفاصيل المشوّشة في الحادثة الجديدة ولكن من المستحيل استرجاع تفاصيل الحالة الأولى وهذا عادة ما يكون بسبب تشابك في الأعصاب المسؤولة عن الذاكرة قصيرة المدى والذاكرة طويلة المدى
.
هناك ايضا تفسير اخر لظاهرة الديجا فو يقول أن سبب هذه المسألة هو عملية نقل المعلومات عبر الشرايين الى المخ … فحين تتعامل مع موقف ما يتم نقل المعلومات الى صدغي المخ الايمن والايسر , ويحدث أحيانا ان تصل المعلومة الى الصدغ الايمن قبل الايسر فتكون حاضر بالنسبة لهذا الجزء من المخ , بينما يجدها الجزء الاخر من المخ غيبا لم يقع بعد
وهناك بعض الأدوية ما تأكد انها ترفع نسبة حدوث الـديجا فو . ذلك انه حدث في عام ٢٠٠٢, ان تمكن عالمان من دراسة رجل ظهرت عليه علامات الـديجا فو عندما تناول دواء الـ (أمانتادين) و (فَنيلبروبانولامين) لعلاج أعراض انفلونزا حلّت به. في الحقيقة, هذا الرجل أحبّ هذا الشعور وأكمل الدراسة وبدأ يزور طبيبه النفسي لتسجيل ما يشعر به. هذان العالمان وصلا لنظرية بأن الـديجا فو هو نتيجة تأثير المعدلات العالية من هرمون الـ(دوبامين) على بعض الخلايا في الفص الزمني للمخ
موضوع اكثر واكثر من رائع
صدوك نحتاج لهجي مساحة
عاشت ايدك ايها المميز
