هنا

[ألمهندس ألهادئ]

طبع عن عينه البشر يشكف بديــه
وعكس بالطف هـ القضيه الكيــــنه
حمله اجت متعنيه للجربه السهام
لاجن العـــــباس صـــــدهه بعيــنه
ولا تكلي احد يلاكيه مســـــتحيل
ومنــــهو يجـــــرء ويكـــطع جفينه
هو كصصهن بــــديه يــــم الفرات
وده بيــــهن مــــاي يروي سكينه
وراسه لا تعتــقد شــــكوه بعمود
وابـــد لا تـــقتـــنع بالــــراويـــــنه
ياهـــو يــــوصل للكمر هذا محال
خــله واســـكت ما تفوت اعلينه
اعلى حته من الشمس راس الكفيل
النـــجم فـــوك يبـــوس برجــلينه
بس حياء من زينب اتعطل الماي
وعرك بس مو مــــاي دم جبينه
وطاح بس الغيره كامت للجموع
وحصدت بكد مـــا حصد بيمينه
وده ماي عيونه من وده السلام
عــــذر وداهــــن للمـــــــتانينه
ورايه العبـــاس ما طحتي اكيد
وارد اسألـج ع الجره تفسرينه
قصدج تشيلين سيفه تحاربين
لــو ابو فــاضل قصــدج تلفينه
وادري يل العباس راسك ما سبوه
راس ابو الغيره ابد مــا سابينه
اجه ناطور اويه زينب بالطريــج
ايريد وي الزهره يـــوفي بدينه
وردمعاهه الكربله لارض الطفوف
يجدد وياهــه العــهد بحــسينه
وصاحت الحوراء عبـاس الـوداع
انريد نمشي وخويه شتوصينه
خويه اكلفج من تزورين الحسين
مــري بيـــه بيـــوم التـــزورينه
وهم بعد عندي وصيه من تجين
كـــون عــندج وكت وتــــمرينه
عندي جف هناك ضل يم الفرات
بــــس ســــلام وداع لتودعينه

[عشقي حسيني]

روعه اخي

[ألمهندس ألهادئ]

روعه اخي

مرورك الاروع