{{{{مساجلة العبره}}
عبدالواحد أخذ الرساله وأبيات شعراء السوق وتوجه الى الشاعر هاشم فليح وذهب الأثنين الى محل حسن معيوف وكان اللقاء في ( معمل حلويات الأخلاص ) ثم حضر عاطف ذياب وبدأت الرسل الى كل من ( مطشر ودحام وعبدالحسين وعبدالله وحامد وحسين وسيد منخي وعلي موسى وابو رافد وكريم وووو ) وأتفق القوم ( الشعراء ) على نقطه واحده (( حاجم لم يهل الدمع )) عكس كل شعراء السوق وبدأ الأرتجال ( لأكثر من 45 بيت أبوذيه ) لكتابات شعريه تتجلى فيها كل صور الحنين والبؤس والحرمان والصبر والتجلد أمام زمن غادر وصديق ماكر وحبيب لعوب ---- مع الاعتذار --- محمد الشطري .....
---------------------------------------------
العبره مكسره والدمع مالاي
ونه بصدري هموم شكثر مالاي
بعد صفوة أحبابي أسف مالاي
الينادمني ويريح الروح أليه
---------------------------- عبدالواحد الهلالي
العبره مكسره والدمع ياماد
جفوني ودوب أشوف الضعن ياماد
ياوكت اليجيني الفرح ياماد
المدد تطوي وعمري بنكص ليه
-------------------------------- عبدالواحد الهلالي
العبره مكسره والدمع منشاف
أثر ماله ولالي بعد منشاف
أنكطع شفي يحمدي أسف منشاف
أحبابي وضاكت الوسعات بيه
----------------------------------- عبدالواحد الهلالي
العبره مكسره والدمع مالاح
بجفني وحتى بيب العين مالاح
رماني شامتي بل النبل مالاح
خيالي ودرع صبري صار ليه
---------------------------- مطشر ال شليج
العبره مكسره والدمع منباح
من عيني وصوتي عليك منباح
كتمت السر هوايه سنين منباح
أنت والهوه وروحي سويه
-------------------------------- مطشر ال شليج
العبره مكسره بصدري ولانام
دمعي وساهرت ليلي ولانام
لا واشى الدره بعلتي ولانام
بكيت أسحن كبت والناربيه
---------------------------- مطشر ال شليج
العبره مكسره ودمعي ولاهل
على لجله عفت كومي ولاهل
يهل شهر الفرح ردته ولاهل
غاب وطالت الغيبه عليه
--------------------------------- هاشم فليح
العبره مكسره ولاسال دمعاي
جف يامهجتي من الهجر دمعاي
بعده ماصفالي الوكت دمعاي
ظلام اونتي طالت عليه
------------------------------- هاشم فليح
العبره مكسره وعيني يرلهه
دمع لا مايره وشامت يرلهه
الشعره البينه بيده يرلهه
أباريه صرت غصبن عليه
------------------------------- هاشم فليح
العبره مكسره والدمع ماكت
عله السار بظلام أووكت ماكت
شعد ششرح شبين كيت ماكت
أخافن تسمع الشمات بيه
------------------------------- هاشم فليح
العبره مكسره وعيني تراجف
دمعه وكل عضو بجسمي تراجف
صحت والضعن شماته تراجف
يحمدي وسار مدري اليانويه
----------------------------------- هاشم فليح
مهلهه اللي عمل بيه مهلهه
روحي والحده بالبل مهلهه
حاجم دمعة عيونه مهلهه
وعكس نظمه نظمكم مر عليه
--------------------------------- هاشم فليح
العبره مكسره والدمع مادار
وردت دولاب حزني أيدور مادار
ألف حسبه يحمدي أحسبت مادار
بعكلي الولف يتمرد عليه
---------------------------- حسن معيوف
العبره مكسره والدمع عسر
بعيني يوم جد الضعن عسر
الشامت بذل يهده ونشد عسر
فشل وتستر بثوب الرديه
--------------------------------- حسن معيوف
العبره مكسره ودمعي لها شف
وروحي مولعه بحبهم لهاشف
كل عله يبو جاسم لها شف
اليداويهه ودواي أبعد عليه
---------------------------- حسن معيوف
يعتهه الشوك روحي مانعتهه
بسبب عني طروشك مانعتهه
يحمدي دموع حاجم مانعتهه
بخل لو هول من عظم الرزيه
------------------------------ حسن معيوف
العبره مكسره والدمع ماحال
جره وشافه اليضدني وعرف ماحال
عيشى خلاف خلي بعد ماحال
ولا نومي يلذ ويطيب اليه
------------------------------- عبدالحسين ال شيخ سلمان
صباح الخير والراحه مساله
أبي أسئلكم يخلاني مساله
حاجم من نظم دمعه مساله
عجب سلتوه كلكم بالسويه
------------------------------ عبدالحسين ال شيخ سلمان
العبره مكسره ودمعي فلابان
كتمته وسري بكلبي فلابان
بشر يدري ومثل بيني فلابان
جراله وصار بي ماصار بيه
----------------------------- عبدالحسين ال شيخ سلمان
العبره مكسره والدمع ماسال
عله الهدني هواه وعلي ماسال
بعظم صدمات وكتي الكلب ماسال
لجن سل العظم فركاك اليه
---------------------------- حامد مجيد
العبره مكسره ودمعي ترايف
وجليل ألي توافيله ترايف
أشدهاهه عضاي من بارح ترايف
ونه بذكرك تشب نيران بيه
--------------------------------- حامد مجيد
العبره مكسره والدمع ماجد
وزماني بالفرح للحين ماجد
بعد صفوة احبابي تظن ماجد
أيحصلي العوض بعد الراح اليه
-------------------------------- حسين الهلالي
العبره مكسره وشتظن ينهال
الدمع والهم علي كلحين ينهال
عود أنتظر شهر الفرح ينهال
مظنه ايهل وخلي يعود اليه
---------------------------------- حسين الهلالي
العبره مكسره ولادمع بالعين
يهل عل مايصحله شبه بالعين
يكلبي لا تلوج شبعد بالعين
ماتلكه التريده جيد نيه
--------------------------- حسين الهلالي
العبره مكسره والدمع جفلاي
عل خلي وصديجي الصدك جفلاي
أهنا يلمشرج وي الروح جفلاي
أشبكالي شنتظر بعدك شليه
--------------------------------- حسين الهلالي
العبره مكسره لادمع لادم
تهل عيني وحزني يكف لادم
بكيت أوحيد لاجد أنس لادم
اليواسيني ويرد وحشه عليه
----------------------------- حسين الهلالي
أحاه اتكسرت بصدر عبره
جي مالي علولفي غدت عبره
بس أنه العشرتي وياك عبره
صرت لهل السمه ولهل الوطيه
--------------------------------- علي موسى ال حشيش
بصدري أتكسرت أحاه عبرات
بسبب ماتنفتح للدمع عبرات
أمني الروح أكولن مشت عبرات
ليالي الحزن لنه ذيج هيه
---------------------------- علي موسى ال حشيش
بصدري أتكسرت عبرات مايه
ولا دمعي هطل ونشاف مايه
بكيت أنتظر يوم الفرح مايه
الفرح شحيوم شح وصلك عليه
--------------------------------- علي موسى ال حشيش
العبره مكسره بصدري ولاعين
جدمي ولا ركد كلبي ولاعين
ألي جفن الذبل هدبه ولاعين
دمعهه مانزل شمات اليه
--------------------------- كريم ال حسون
العبره مكسره بصدري ولاطاب
دمعي ولا سمع نصحي ولاطاب
حبيبي بسهم سددلي ولاطاب
يحمدي وكمت أنازع بالمنيه
--------------------------------- كريم ال حسون
العبره مكسره بصدري وطرفاي
أبدن ماذرف دمعه وطرفاي
ألطرف غيري نكل جدمه وطرفاي
حبيبي ولا يطل شخصه عليه
------------------------------------ كريم ال حسون
العبره مكسره ودمعي منعته
ويعتني الشوك ما أهتز منعته
غير الصبر للملم منعته
دوه من أعظم دوه للبيه شجيه
----------------------------------- دحام ال جبار
العبره مكسره ودمعه مهلهه
وروحي الشوك ماساعه مهلهه
حياتي اتخلص وي عالم مهلهه
حسرتي اونتي وناري خفيه
------------------------------دحام ال جبار
العبره مكسره ودمعي ولالاي
ولوله من زغر حبك ولالاي
خلص عمري نهار يمر ولالاي
بسفينة شوكهم وتدور بيه
---------------------------------- دحام ال جبار
العبره مكسره والدمع لاسال
عل الي مانشد علحال لاسال
ركودي لاتظنش مرض لاسال
هظم دهري وفرح مامر عليه
------------------------------- خالد عبدالحسين
العبره مكسره بصدري ولهمال
دمعي ودوم انه بذجرك ولهمال
علام الناس لامتني ولهمال
عندي وشددت باللوم بيه
---------------------------- عبدالله الجكج
العبره مكسره ودمعي ولاراق
الغيرك مارهب كلبي ولاراق
لفاني السهر من عندك ولاراق
يغايب والشهور اتمر عليه
------------------------------- عاطف ذياب
العبره مكسره والدمع لابين
بعيني ومن جفاك أعضاي لابين
يحمدي الروح تاهت بين لابين
أثرهم والرحيل اليانويه
-------------------------------- عاطف ذياب
العبره مكسره والدمع ظلظل
جسمي والحزن للروح ظلظل
الشامت من يصدني بتسم ظلظل
طريجه وماعرف للصار بيه
...........................................سيد نخي الجابري
العبره مكسره والدمع ظل ظل
بجفني والحزن للروح ظل ظل
الشامت من نظرني ابتسم ظل ظل
طريجه وما عرف للصار بيه
------------------------------ سيد منخي ال سيد عزيز
العبره مكسره بصدري ولاسال
دمعي والمحب بارح ولاسال
أله وي النفس حسره ولاسال
بعظمي والونين العمل بيه
------------------------------- سيد منخي ال سيد عزيز
دمعك من مصابك ليش ينصاب
ولو جبدك بسهم الهجر ينصاب
اليره الشامت يحمدي كون ينصاب
الحياة بعز شرف فوك الوطيه
--------------------------------- سيد منخي ال سيد عزيز
العبره مكسره والدمع شف شف
جفني ودوم الي بهواه شف شف
يبو خالد ألحالي كوم شف شف
تغير من جفه الخلان ليه
-------------------------------- سيد منخي ال سيد عزيز
العبره مكسره والدمع ماناد
ومن طبعي وره المجفين ماناد
أنه من ابجي عليهم دهر ماناد
اذا عدهم وفه ولهم خويه
------------------------------- عبدعلي كاطع ال جيجان/ السوق
--------------------------------------------------------------------------
هنالك كتابات عن العبره لمجموعه من الشباب / في الشطره تنشر لاحقآ ----- مع الاعتزاز ,,,,, محمد الشطري
كتب الأديب الشاعر حاجم ال حبيب *****
( العبره مكسره والدمع ماهل )
----------------------------------
أحبتي محبي الأدب الشعبي سوف ( لن --- ولم ) يسجل تاريخ الأبوذيه في عموم العراق ملحمه شعريه أبلغ وأجمل وأطول وأعذب من ملحمة ( العبره ) وهي عباره عن صراع وتنافس أدبي وصور أجادت حبكها مخيلة الشعراء وأعطت لنا خطوط عريضه على لوحة الزمن ------------ مع الاعتذار -- محمد الشطري
( القصه كما هي ------ وصل الشاعر سيد هاشم ال سيد محمد / من أهالي سوق الشيوخ الى مكتب الحاج عبدالواحد الهلالي ومعه رساله خطيه من الأديب حمدي الحمدي ومعه 26 بيت أبوذيه . وهي
---------------------------------------
العبره مكسره والدمع ماهل
عل ألي من يهل بهواه ماهل
أتم أنظر لشهر الفرح ماهل
طال وطالت الغيبه عليه
---------------------------- حاجم ال حبيب / الأصل
العبره مكسره والدمع هلهل
عل الي منجفاه الكلب هلهل
الشامت من دره بلحال هلهل
فرح وتونس عله الصار بيه
-------------------------------- حمدي الحمدي
العبره مكسره والدمع ليلاي
بعيني وصار مهوى الحزن ليلاي
الهوى حط بصميم حشاي ليلاي
يظل مادام توجد روح بيه
----------------------------- حمدي الحمدي
العبره مكسره وجسمي يكتماي
ألوي أوصدري ألوني يكتماي
أويلي يا درد كلبي يكتماي
الغشه عيوني وسواد العمل بيه
---------------------------------- حمدي الحمدي
العبره مكسره والدمع يروان
وغده منهن نهر للحاي يروان
عن حالي الليالي دوم يروان
ألخلاني مصاب الصار بيه
---------------------------- سيدهاشم سيد محمد
العبره أمكسره والدمع ينطار
بكسرتي وبدليلي طار ينطار
أنصبت شبجي لعد الطير ينطار
الأريده باليبس شح من اديه
------------------------------- سيد هاشم سيد محمد
العبره مكسره بصدري ولايت
دمعتي ويبست أرياكي ولايت
روحي أعله الجفت عني ولايت
أحبابي اليصعب أجفاهم عليه
-------------------------------- مله صالح ال حثيل
العبره مكسره والدمع ينهال
عللي كام كلبي عليه ينهال
أود تراب لحدي علي ينهال
ولا شامت يره ماصاربيه
----------------------------- مله صالح ال حثيل
العبره مكسره والدمع ياراي
بجيت اويار من ابجاي ياراي
حبيبي من جفيت أتبعت ياراي
وشوك وغيرو طبعك عليه
------------------------------------- مله صالح ال حثيل
العبره مكسره والدمع منصاب
وكلبي عل أوده بسهم منصاب
بلب أحشاي أله تمثال منصاب
عزيز ودوم حبه محيط بيه
-------------------------------- أبو معيشى
العبره مكسره بصدري ولهمال
دمعتي ولترك أحبابي ولهمال
وجب ياناس دلالي ولهمال
بنار عل الغدوا من بين أديه
-------------------------------- أبو معيشى
العبره مكسره والدمع هملاي
دمه للي يوده الكلب هملاي
أنحلت والشافني بهلحال هملاي
نكسر كلبه لكسرتي وحن عليه
---------------------------------- أبو معيشى
العبره مكسره والدمع ماعان
بجفه خلي سويد أحشاي ماعان
دليلي شما يطول الليل ماعان
بذجره ولا يمر النوم بيه
------------------------------ مله حميد خضير العبادي
العبره مكسره والدمع ماسال
عل خلي الجفاني وعلي ماسال
أحمدني جيف عودي صلب ماسال
لهذا الحين وانه السكم بيه
------------------------------- خضر ال سلمان
العبره مكسره والدمع هطال
وليلي يارفاكه علي هطال
أيام الموحشه كوطرت هطال
ربيع العمر بكباله عليه
---------------------------- خضر ال سلمان
العبره مكسره والدمع مالاي
بعيني وعتراني الخوف مالاي
صدك ياحبيبي بعد مالاي
حياتي بغير ماتعطف عليه
--------------------------------- مله عبدالرضا مهدي
العبره مكسره والدمع يروان
عل الماضي دليلي شكثر يروان
صحايف لأجيال التجي يروان
مصابي ونكبتي والصار بيه
--------------------------------- المبدع / يوسف ال راشد
العبره مكسره والدمع ليلاي
بجفني ولا نمت ياصاح ليلاي
حبي وياك حب مجنون ليلاي
مثل لهل السمه ولهل الوطيه
------------------------------------ يوسف ال راشد
العبره مكسره والصدر منهال
مصايب والدمع عل وجن منهال
سهم صاب بسويد حشاي منهال
سهم فركاك ورداني المنيه
---------------------------------- جاسم التميمي
العبره مكسره والدمع يهلاي
عل خدودي بفكدي ولف يهلاي
طحت وصرخ بعالي الصوت يهلاي
يرد بس الصدى تكرار اليه
---------------------------- جاسم التميمي
العبره مكسره والدمع مايار
ولعد غير الحبيب الكلب مايار
غديت بنار فكد الولف مايار
متى يعود ويطفي النار بيه
------------------------------- عناد ال خربيط
العبره مكسره والدمع يروان
عليك انت دليلي شكثر يروان
ليالي المضن هنه شهود يروان
ألك لو جان يحصل نوم اليه
------------------------------ عناد ال خربيط
العبره مكسره والدمع منطر
عليك ومن ونيني الجبد منطر
يريت أيصير عندي جناح منطر
وحط يمك يبو ذات الوفيه
---------------------------- مله عبدالرضا مهدي
العبره مكسره والدمع مايار
ومثل يوري عليه الدلم مايار
شربكني ولعند الشبج مايار
نخيته او كام يتفرج عليه