ماكو عارفة للعين ينسال
ودمع العين كبل البجي ينسال
شفنا البي مرض يا ناس ينسل
وانا المسلول مامش مرض بيه
============================
علي داس الزمان وشلع صرتي
ونهب مني الهدوم وباك صرتي
يروحي خايبه للضيم صرتي
عسى لاصايره ولاصار ماصار
وأنه شقابظ ومن دنياي ماصار (ماظام)
همت ردت البكلي ايصير ما صار
حمدت الله وشكرته وبست اديه
==============================
الفلك ما يعتدل بالعكس يو دار
ولا ينشف دمع عيناي يو دار
يدار الاهل اهلج وين يا دار
كولي ولاتخليها خفيه
==========================
ماردته يميل الحمل بس مال
وشكول اعله اليبدل الزين بسمال
الازامط بيه تالي طلع بس مال
نفاها وبالحجي يلبك عليه
============================
ناس العلكتهم علك بيداي
عله غفلة جفوني اتكول بي داي
اغص بالعتب والزردوم بيداي (بيداء)
ظامي وضل نفس غركان بيه
============================
منقووووووووووووووووووول