واسط بعيون شاعر
منجم ثقافة وأدب وفنون يا ... واسطي
ومنها التنبه الشعر و( شمه) والـ... واسطي
يوسام عز وفخر الكل شخص ... واسطي
والكوت حسب الوصف أجمل مدينة الـ ... كوت
تحسدهه كل المدن لكن حسد بسـ ... كوت
بس ليلة بيها أظل صدكني ودك ... كوت
متعوفهه لأي سبب هالفانتة ... الزهراء
محروسة بسم النبي وبفاطمة ... الزهراء
بمدخلهه حيين اكو الخاجية و ... الزهراء
ومن تدخل بيمنتك لابد تمر ... هورة
أجمل مدن هالبلد من جباله ولـ ... هورة
وعين الذي تشوفها تظل بيها مبـ ... هورة
ومن بعد هورة العجب لابد تطب ... مشروع
من تشوفهه أنت تحس للجنة هي ... مشروع
ولو عنها ما تبتعد عندك عذر ... مشروع
لن ماكو منها ابد وبكل شي ... شرقية
وبصفهه ويه النهر تلكه حي اسمه ... شرقية
إسلامية ما تبدلت غربية ... شرقية
ومن بعد شرقيتي مر علدرب ... حاوي
بخيراتهه والثمر أتحير الـ ... حاوي
بيها النخل مو تمر جنك عسل ... حاوي
واندار ويه النهر وتصادفك ... تموز
بيها النسايم تهب في عز ظهر ... تموز
طيب وورود وشجر زرعوه أهل ... تموز
ومنها واخذ يمنتك ويه النهر ... ضباط
لداموك مدخل اكو يتسمه بالـ ... ضباط
مأمونة ما حاجة ابد للشرطة والـ ... ضباط
وعالصوب اليكابلك من النهر ... أنوار
متسمية باسم الصدر واسم الصدر ... أنوار
أو بيها مرقد تقي من نسل سادة ... أنوار
وبصفهه وبصوبها عدنه احنه زين ... القوس
تشبه هلال اليهل مثل الوتر و... القوس
قاسوا بيها السحر بس بيها تاه ... القوس
وبصفهه هم النهر يكولوها ... العزة
شكد مرهه ضيم وقحط وظل خيرها بـ... عزة
عنوان هيبة ورمز للعابد و ... عزة
وأشمر وراهه واسل وين ألكه حي ... جهاد
يتلاكوك باليا هلة وبحضن أهلي ... جهاد
رغم التعب والعنا ما تشعر بـإجهاد
ننضاف بيها ونظل لو نتكل ... عالحي
ونروح لأصل الأصل ونمر بعد ... عالحي
المابيهم أبداً كطع حيهم يسال ... عالحي
ومنها وفوك اشتمر واكصد لحي ... سعدون
لن كل أهلها كرم ومن نسل ابن ... سعدون
لا برز منهم احد كلهم ترى يـ ... سعدون
أهل دين وفكر ومن نسل ناس ... أحرار
ومن بعد المنطقة ناحية وهيه ... أحرار
شوفوهه من البعد تشوفوهه وانتوا ... أحرار
وحاير اشوصف بعد جصان لو ... بدرة
العراق هذا الكمر باربع طعش ... بدرة
وديرتنا مثل الشمس بانوارها مـ ... بدرة
وعدنه مناطق بعد هواية لكن ... وكت
ماظل واظن طولت بس لازم احجي . . . واكت
ديرتنا صرتي للعجم حسافة يا . . . واسطي
منقولتحياتي لابناء محافظتي واسط
رد مع اقتباس
المشاركة الأصلية كتبت بواسطة ميهاف
