مو خيّاط آني بس علّمني الزمان
من زغري اوتعودت أخيِّـــــط اجروح،،
بس هذا الجرح ,, لا كلش جبير
ما يتخيَّط اوداعت اعيونك الغدّارة ..
إذا اخيّطة بفرح مايرهم عليه
لو أخيطة بصبر ،، تظل روحي محتارة ..
من ياصوب أجيلك خاطر أراويك؟
اجروحي واحد واحد،، اويا جرح أختارة؟؟
تضمدلي جرح الهجر اليصرخ ابلا صوت؟
لو جرح الشوكـَ المشتعلة نارة؟؟..
ضمّدلي جرح "الأحبك" موهذا يحركـَ حيــل
والله امعذبني ينزف ليلة اونهارة ..
مو كوتلي "أحبك" او وعد أبقة وياك؟
وما يوم اعوفك لوروحي تتبارة ..
إنقض ابوعدك هم عاآدي يهواي
بس الله لكل وعد حآط كفّآرة ..
او كفّآرة وعدك هذا وياي
تنطيني كَــلب ماعابر العشرين ,,
ماعاشكــَ كَــبل او صاير احجارة ..
او رِدلي أيامي ,,ذيج أيام الشباب
البيهن روحي خضرة وعمري مفتحه ازهارة ..
او بعد ..لآزم طول العمر عن بالي تصوم
ولا تكعد اببالي خلّص ايجارة ..
دورلك سكن اوعوفني او روح
خل كَلبك يشيل او ينسة دآرة ..
____________________
طبعاً أني مو هلكد بالشعبي بس ..شنسوي مشاعر وكذا وحبيت انشرها
هم عآدي احذفوهة اذا خارج معايير الجودة
تحياتي
رد مع اقتباس
المشاركة الأصلية كتبت بواسطة بركان حبك ياعلي
