ها
شلونكم
محاولة اغتيال
طبعا الحمد لله والشكر البارحة الله نجاني من محاولة اغتيال اني مجنت اتصور راح توصل هيج ابد البارحة اجيت من الدوام رجعت بشارع خدمي يمنه يوميه اجي بي بس المشكلة هذا الشارع ظلمة وحد يفوت بي شفت سيارة متجهه عليه واحد يسوق ومطفي اللايتات وواحد بصفة شايل مسدس وماد راسة من الجامة وموجه المسدس عليه
صراحة موقف مريب واحد يرتبك بينه وبين الموت شعرة
المهم اجتني فكرة الانبطاح بالكاع فانبطحت وكمت اتشاهد بصوت عالي وكمت اسمع صوت السيارة دتقترب ودا انتظر صوت الطلقة عليه السيارة طبكت وسمعت واحد نزل اباوع طلعت مريه كالت بنتي بيج شي اباوع يمهه كاعد ابنهه وشايل مسدس ابو الصجم اني تمنيت الكاع تنشك وتبلعني من الفشلة اني سويت نفسي اتمرغل بالكاع وابجي كلتلهه خاله توني راجعه من الخارج ومشتاكه لتراب الوطن
رد مع اقتباس
على أساس الاميرة ديانا
المشاركة الأصلية كتبت بواسطة Safa Adnan
