يا زينب يا زينب يا زينب
شجابج لصوب النهر حاجيني
خوفي لتموتين يم جفيني
من المخيم ليش وحدج طالعة
من يردج والجفوف مكطعة
شعندج بهاليل يم المشرعة
عتاب الج لو قصدج تشوفيني
يبوفاضل يبوفاضل يبوفاضل
تكله جيت لشوفتك يا كافلي
ارد اخبرك خبر يا غيرة علي
الخيمة من حركوهه حركوا محملي
وذكرياتي الهودج تبجيني
يا زينب يا زينب يا زينب
مستحي وغطيت وجهي بالعلم
من عباتج اشم دخان الخيم
بعيني خلي لا تطلعينه السهم
حتى وحدج ما تشوفج عيني
يبوفاضل يبوفاضل يبوفاضل
فدوة لعيونك تروح عيوني
خوفي تزعل لو كلت ضربوني
ارد اراويلك سواد متوني
وباجر عداكم نوت تسبيني
يازينب يا زينب يازينب
اه يازينب ششوف بعيني اه
من السياط ممزقة حتى العبا
يا خبر سبيج ترة لظهري حناه
كافي زينب بعد لتخبريني
يبوفاضل يبوفاضل يبوفاضل
يالجنت ما تقبل يمسني الهوى
انت جفك والعلم طاحن سوه
وانا جفي بنار الخيام انجوى
بالمدامع خمدت صواويني
يازينب يازينب يا زينب
ارد اسئلج وانتظر منج جواب
يعني هسه سكينة نامت عالتراب
احجيلي بعدي من حرس رملة ورباب
منهو ضل يم الحرم حاجيني
يبوفاضل يبوفاضل يبوفاضل
تكله شحجيلك احس صوتي انخرس
خوية شفت ملثم وصاعد فرس
يكلي عكب لكافلج انا الحرس
هنا يبوفاضل لطمت جبيني
يازينب يازينب يا زينب
رد مع اقتباس
المشاركة الأصلية كتبت بواسطة عراقيه وافتخر
