ﺗﻌﺎﻝ ﺍﻟﺨﺎﻃﺮ ﺍﻟﻠﻪ ﻭﺧﻞ ﺍﺷﺒﻜﻚ ﺣﻴﻞ
ﻭﺷﻮﻑ ﺍﺷﺮﺍﺡ ﺗﺎﺧﺬ ﻣﻨﻚ ﺍﻟﺸﺒﻜﻪ
ﺗﻌﺎﻝ ﺍﺑﻤﺎﻱ ﻃﻴﺒﻚ ﺑﻴﻪ ﻃﻔﻲ ﺍﻟﻨﺎﺭ
ﺗﻌﺎﻝ ﺍﻋﻠﻴﻪ ﻟﺤﻚ ﺣﺮﻛﺘﻚ ﺣﺮﻛﻪ
ﺷﻜﻞ ﺍﻟﻜﻠﺒﻲ ﺑﺎﺟﺮ ﺣﺼﺘﻪ ﺭﺍﺣﺖ ﻭﻳﻦ
ﻭﻣﻦ ﻛﺪﺍﻡ ﻋﻴﻨﻪ ﻭﻳﻨﻮﺧﺬ ﺣﻜﻪ
ﺗﺮﺱ ﺍﺫﻧﻲ ﺳﻤﻌﺘﻚ ﺻﻔﻜﺖ ﻟﻠﻐﻴﺮ
ﻣﻮ ﻣﻦ ﻏﻴﺮ ﺟﻔﻚ ﻃﻠﻌﺖ ﺍﻟﺼﻔﻜﻪ !!
ﻛﻠﺒﻲ ﺍﻋﻠﻴﻚ ﺟﺎﻥ ﻭﺑﻌﺪﻩ ﻳﺒﺠﻲ ﺍﻋﻠﻴﻚ
ﻭﻻ ﺗﻮﺻﻞ ﺣﺒﻴﺒﻲ ﺍﻟﺬﺭﻩ ﻣﻦ ﻋﺸﻜﻪ
ﻣﺎﺣﺒﻴﺖ ﻏﻴﺮﻙ ﻻﻫﻮﻳﺖ ﺍﺑﻴﻮﻡ
ﻭﻻ ﻓﺪﻳﻮﻡ ﺭﺍﺳﻲ ﺍﻟﻐﻴﺮﻙ ﺍﻣﺪﻧﻜﻪ
ﺑﻌﺪﻧﻲ ﺍﻫﺘﺰ ﻭﺍﻃﻴﺤﻦ ﻣﻦ ﻳﻤﺮ ﻃﺮﻭﺍﻙ
ﻭﺍﺣﺴﻚ ﻣﻦ ﺗﻤﺮ ﻧﺴﻤﺔ ﻫﻮﻩ ﻭﺷﻬﻜﻪ
ﻧﺨﻞ ﺣﺒﻲ ﻃﻮﻳﻞ ﻭﻋﺜﻜﻪ ﻣﺎﻳﻼﺡ
ﻭﺑﺲ ﺑﺤﻈﻦ ﻛﻠﺒﻚ ﺍﻣﻨﺖ ﻋﺜﻜﻪ