درر العراق

أنثى حائرة · 21/November/2015

السلام عليكم ورحمة الله وبركاته

اسمحو لي بالفضفه و طرح مشكلتي هنا على و عسى هناك من يفهمني وينصحني!

انخطبت لشاب عراقي (عنده كرايب بنفس البلد الساكنة بيه وهي الي نسقت بينا) صارلنا تقريبا سنة مخطوبين عن بعد يعني انا في بلد اجنبي و هو في العراق.

بعمرنا ماتشاوفنا بالواقع لكن بالنت اي صور اتصالات و كاميرا...

حصل خلاف خلال علاقتنا بسببه هوه و انفصلنا.. و سامحته ورجعنا لبعض طبعا بتدخل الاهل وجرحني كثير لكن بررلتله ورجعنا وصرنا احسن من قبل بكثير..

علاقتنا قوت ولو هو على طول مشغول بشغله وساعات يغيب عني ولكن مقدره ضروفه ومقدمين معامله على انه يجي هنا لبلدي ونتزوج ونعيش هنا..

طبعا المعاملة طولت اكثر من 4 شهور وهيه في مراحلها الاخير فاجئني قبل كم يوم انه يحتاج وقت يفكر بالامور كلها وتركني يومين وماتكلم معايه مع اني حاولت اعرف على شنو بس بدون نتيجة

بعد يومين دخلت عليه وتركتله كلام حتى ارسلتله صوتي و اني ابكي لاني حايره شنو الي صاير؟؟! قالي بصريح العبارة انه يحتاج يراجع ويقيم علاقتنا علشان يتأكد 100% قالي واستغلي انتي هم هاذي الفرصه وراجعي التفكير طبعا اني تعصبت وانهاريت عليه بالكلام كتله تريد تفلش كلشي بينا كال لا ما اريد و انتي تهميني واني ظالمج وما اريد اظلمج وتكلمنا صوت وبنهاية قال اني احبج بس مو لدرجة العشق و الزواج! موجود الحب بس مو لدرجة الكبيرة... وقال اعطيني كم يوم افكر اصفن مع نفسي..

كلامه جرحني طبعا لان كلامه كل حبيات ويايه وكتله كلامك مجان طالع من كلبلك وكله اوهام كال لا كله حقيقي بس مو بالدرجة الكبيرة ورجاءا اعطيني وقت افكر..

وهو قبل كل ههذا الموضوع كان ماكو منه ومن كلامه حتى كلي انتي احلى شي بالوجود!!

اني طلعت من الفيس و من النت على موبايلي وماقلت لاهلي ومكضيتها مهدئات..
واحتمال قريب يجاوبوني على معاملة جيته... يافرحتي!!!

اني الي حاسته هو متحير و شاك بسبب شغله لان هوه عنده منصب جيد ومعشميه بشي احسن وهو يعشق شغله يعني المدير عام مايشتغل كده!!

طيب اذا تكلمنا وكال خلص كل واحد بطريق؟ اكيد مراح اتوسل بس راح اتدمر..

واذا رجع وكال تاكدت من مشاعري شنو رد فعلي المفروض؟؟؟

ارجوكم ساعدوني ولتكونون قاسين بالكلام لان الدمعة بعيني!!!!!

ياااااااااااااااااااااااا ااااااااااارب

qas!m · 21/November/2015

لم تخبري أهلك ؟؟!! ... شيء غريب هذا !!!
المفروض هم يكون أول من يعلم لأنهم ألأكثر حرصاً على مصلحتك والأكثر دراية منك كونك تحت ضغط المشكلة
وتفكيرك ( يودي ويجيب ) .. لذلك عليك أولاً ان تخبري الاهل بكل ما حصل ..
ولنعد للمشكلة نفسها ... ما أخبرك به خطيبك قد يكون فرصة حقيقية لاعادة تقييم مشروع زواجكم المستقبلي ..
وكلنا يعلم أن فترات الخطوبة الطويلة تكون عرضة لنهايات غير متوقعة بحكم امور كثيرة ..
يبدو من كلامك أنك مقتنعة بفكرة الارتباط به وهذا شيء جميل يعني انت حاسمة الموضوع ..
لكن يبقى قراره هو .. ولأنك لا تملكين أن تجبريه على شيء ولا يصح منك ذلك ..
دعي له الفترة التي طلبها .. ليخبرك بقراره النهائي بعدها ... أيا كان .. واحتمال فسخه للخطوبة وارد جداً
وخطوبة مفسوخة ليست نهاية العالم ... وليست بالأمر النادر ..
ومعها ( ان قرر ذلك طبعا ) عليك أن تركني كل تلك الاحلام الوردية جانباً .. وتتجاوزي صدمة ذلك
اذ انه لم يخدعك وصارحك بكل شيء ..
والخسارة التي تشعرين بها الان ... ستكون اقل بكثير مما لو تم زواجكما .. وصدمت بقراره هذا بعده
فألأمر رغم كل شيء .. يمكن لك أن تتجاوزيه بدون مبالغة المهدئات وقصص نهاية العالم ..
ومرة ثانية انصحك باخبار أهلك بكل الذي حصل ... فهم من سيقف بجانبك لتجاوز موقفك هذا
ومن سيعينك عليه ... لتكملي حياتك بشكل أطيب .

حسين الرواني · 21/November/2015

المشاركة الأصلية كتبت بواسطة أنثى حائرة

السلام عليكم ورحمة الله وبركاته

اسمحو لي بالفضفه و طرح مشكلتي هنا على و عسى هناك من يفهمني وينصحني!

انخطبت لشاب عراقي (عنده كرايب بنفس البلد الساكنة بيه وهي الي نسقت بينا) صارلنا تقريبا سنة مخطوبين عن بعد يعني انا في بلد اجنبي و هو في العراق.

بعمرنا ماتشاوفنا بالواقع لكن بالنت اي صور اتصالات و كاميرا...

حصل خلاف خلال علاقتنا بسببه هوه و انفصلنا.. و سامحته ورجعنا لبعض طبعا بتدخل الاهل وجرحني كثير لكن بررلتله ورجعنا وصرنا احسن من قبل بكثير..

علاقتنا قوت ولو هو على طول مشغول بشغله وساعات يغيب عني ولكن مقدره ضروفه ومقدمين معامله على انه يجي هنا لبلدي ونتزوج ونعيش هنا..

طبعا المعاملة طولت اكثر من 4 شهور وهيه في مراحلها الاخير فاجئني قبل كم يوم انه يحتاج وقت يفكر بالامور كلها وتركني يومين وماتكلم معايه مع اني حاولت اعرف على شنو بس بدون نتيجة

بعد يومين دخلت عليه وتركتله كلام حتى ارسلتله صوتي و اني ابكي لاني حايره شنو الي صاير؟؟! قالي بصريح العبارة انه يحتاج يراجع ويقيم علاقتنا علشان يتأكد 100% قالي واستغلي انتي هم هاذي الفرصه وراجعي التفكير طبعا اني تعصبت وانهاريت عليه بالكلام كتله تريد تفلش كلشي بينا كال لا ما اريد و انتي تهميني واني ظالمج وما اريد اظلمج وتكلمنا صوت وبنهاية قال اني احبج بس مو لدرجة العشق و الزواج! موجود الحب بس مو لدرجة الكبيرة... وقال اعطيني كم يوم افكر اصفن مع نفسي..

كلامه جرحني طبعا لان كلامه كل حبيات ويايه وكتله كلامك مجان طالع من كلبلك وكله اوهام كال لا كله حقيقي بس مو بالدرجة الكبيرة ورجاءا اعطيني وقت افكر..

وهو قبل كل ههذا الموضوع كان ماكو منه ومن كلامه حتى كلي انتي احلى شي بالوجود!!

اني طلعت من الفيس و من النت على موبايلي وماقلت لاهلي ومكضيتها مهدئات..
واحتمال قريب يجاوبوني على معاملة جيته... يافرحتي!!!

اني الي حاسته هو متحير و شاك بسبب شغله لان هوه عنده منصب جيد ومعشميه بشي احسن وهو يعشق شغله يعني المدير عام مايشتغل كده!!

طيب اذا تكلمنا وكال خلص كل واحد بطريق؟ اكيد مراح اتوسل بس راح اتدمر..

واذا رجع وكال تاكدت من مشاعري شنو رد فعلي المفروض؟؟؟

ارجوكم ساعدوني ولتكونون قاسين بالكلام لان الدمعة بعيني!!!!!

ياااااااااااااااااااااااا ااااااااااارب

اقترح عليج تصبرين إلى ان تكمل المعاملة، ساعتها راح يكون هوة امام الامر الواقع، ما راح يكون بينك وبينه الا احد خيارين ، اما يقبل يجي يمج وتتزوجون، او يرفض، وساعتها انتي همين انهي الموضوع، لان الاستمرار وية شخص مرتبط بغير دولة ما بيه معنى، اتمنى لك من كل قلبي ان تسير الامور كما تريدين، والله يجمعكم بالخير والفرح، وانشالله نشرب شربت فرحكم

Noor M. Hassan · 21/November/2015

بصراحة لازم تحترمين صراحته لانه كان صادق معاج و اللي كاله ما اعتقد يتحمل تفسريه غير تفسير انه السبب عمله...الخ الحب اذا موجود لا يقف بوجهه شيء عزيزتي و يمكن و الله اعلم حصل شي بحياته خلاه يدرك انه ما يحبك بالقدر اللي ممكن يقضي بقية حياته وياج بالزواج ، اذا ترك و رغم الالم اللي راح اتعانيه كوني ممتنة اله لانه اعتقد صعب اتعيشين مع انسان قلبه مو بالكامل الج فاشكريه و اذا رجع فخلي ابالج انه فكر و الحب ما بيه تفكير لذلك احترمي قراره و ان شاء الله الله سبحانه و تعالى يرزقج ما فيه الخير و السعادة الج و للاخ في الدنيا و الاخرة و الاهم و المهم في كل هذه المسألة انه تتوجهين الى الله فهو القادر و العالم و الارحم بيج و بيه و بينا من كل احد حتى نفسج و اهلج ، سولفي لله سبحانه و تعالى و ادعي و صدكيني ما راح يكسر خاطرج او ايرد دموعج خايبة ، بالتوفيق الكم ان شاء الله دائما و بالرفاء و البنين مقدما و تحياتي

*Rafa* · 21/November/2015

الله يوفقج اقترح ادكلين الاهلج احسن

موجوع قلبي · 21/November/2015

حياتي اول شي كولي لاهلج ثاني شي هوه ماله شخصيه اوكلمه لان شنو يحبج وشنو ممتاكد هاذ كلام جهال حياتي لاتنصدمين باي قرار هوه ياخذه اذا كان الج راح تاخذيه واذا لا فربي يعوضج

عضوية57049 · 21/November/2015

إني أفضل تصرفين بنفسج قبل لا تكولين ﻷهلج
ﻷن اكيد اهلج كد ميخافون ع مصلحتج حيقنعوج انو الأصلح لج تزوجيه و هو رح يحبج ورى الزواج

و لتصدكين ابد هيج شي او تبنين آمال ما بعد الزواج

من طول الولد هذا متردد و يغير رأيه و خايف من الإرتباط
اصور برج هوائي على الأغلب او احتمال ناري

و اذا كان هيج و انتي ترابي أو مائي فمن هسة انفصلي عنه
شو كلبتها أبراج

أختي اذا انتي تريدين تزوجين و بقوة او هيج شي فتزوجيه
اما اذا م مستعجلة فالولد من النوع المزاجي
يعني يتصرف بناءاً على مزاجه و مشاعره ، هيج نوعية يراد لهم نضوج ، ميكجر يتحمل مسؤولية زواج
هذا بس مال غزل ،،
طبعاً مااقصد احجي عليه

بس هو هيج نوعيته

اني لو مكانج مااتصور استمر ، اصلا شلون تزوجيه و هو ممتأكد من مشاعره

مو علمود المشاعر
هو مبين يهتم بالحب أكثر من الزواج نفسه
فأكيد يصعب عليه يزوج وحدة منتأكد من مشاعره اتجاهها ،
خيرها بغيرها صديقتي

لتتورطين مو آخر واحد هو ، و لتفكرين بأهلج او بيه او بعائلته
اختاري القرار الأنسب لج
ولتسوين اي شي تحت ضغط الناس
هاي حتكون حياتج ، مستعدة تكمليها وي واحد ميفرق بين الصداقة و الحب ؟

و الله يوفقج

qas!m · 21/November/2015

المشاركة الأصلية كتبت بواسطة آية آدم