هنا

[أنثى حائرة]

بِسْم الله الرحمن الرحيم شباب اريدكم تساعدوني لأَنِّي تعبت قلبي تعب وعقلى راح يجن تعرفت على شخص عبر النت واحببته ووثقت به وبعد التعارف طلع من المنطقه وصديق اخوي وكنت أكلمه وكل املي حاطته بيه لأَنِّي احبه حب جنوني صارتلي مشاكل مع اهلي وشالو جهازي اني كتله خلاص اني رايحه اتمنالك التوفيق ومن قبل محرم الى لان ماكو اي خبر بس والله مقهوره ساعدوني شاسوي وأعطاني رقمه اتصل عليه مغلغ تعب وربي تعبت شنو الحل

[العلوية_الموسوية]

شنو شنو هالصدفه عرفتي عن طريق النت وطلع صديق اخوج!!الافضل تنسي صح الكلام سهل وتطبيق كلش صعب بس الافضل هيج لان اجوز من يدري اخوج انتي تحبين صديقه راح تصيرلج مشاكل الج وله

[أغرد بهمس]

دقة قلب
ثم
طرقة بابا
هذا الحب
غيرة ضحك ع العقول

[حـــلاة الـــروح]

اشتري راحة بالج وعوفي اذا ايريدج بيتهم قريب ويعرف اخوج مثل ماذكرتي ويتقدملج

[Ali Ibrahim]

ميصير هجي !
اولا لازم نرضي رب العالمين شنو حب وعلى النت وشنو جنون ، مع احترامي .
الحب شي آخر انتي مفتهمتي غلط
باجر اذا تقدملك الولد واهلج سألوج منين عرفتي ؟ شنو ح تجاوبيهم ؟
تكوليلوهم تعرفت عليه من خلال النت !
اذا تكذين ف الله بالمرصاد
ظاهرة الحب من خلال النت منتشرة بشكل واسع جدا وخطيره جدا ... احذري اختي العزيزة


واذا صدك الولد شايفج من زمان ويعرفج عن قرب ف ما بيها شي .. يتقدم من باجر والله يسهل كل الخير

[fairy touch]

السلام عليكم
عزيزتي ....
وين السؤال اللي ما عندك اله اجابة هسة ؟
واحد من صارت المسألة جد و عرفوا اهلك و تعرضت لعقابهم عند اول فرصة فلت ..تليفونه مغلق ..و صارله شهرين و لا ذاكرج ..و شنو هسة ؟
بالله عليج هم بقت ذرة احترام بداخلج اله ؟
يعني هسة هو مثال للرجل الفارس اللي تحلم بيه البنت ..الرجل اللي يوكف الها بالشدة و تستند عليه عمر كامل ؟
هو هذا ؟
هذا الجبن مجسد بشخص ...لا تزعلين عليه ..ازعلي على اهلج و اخوج اللي خليتيهم بموقف مؤلم ..

راجعي حساباتج بعيدا عن المشاعر المؤقتة ..
ماكو مشاعر تبقى خصوصا لما الطرف الاخر يطلع ما يستاهل .
اغلقي هالملف ولا تلتفتين اله ..بابكم يعرفه لو يريد و بيه خير .
تحياتي .

[لونـا]

كل املج خليتيه بيه !!!؟
هسه هذا مال امل شبيج اصحي
من طريقة كلامج بعدج زغيرة والحياة والفرص الجميلة امامج
اتركي عنج كل هالترهات
وشقي حياتج بلا انجراف نحو شباب بعلاقات محرمة
نصيبج موجود وربج رح يهديه الج
المهم تصونين نفسج حتى تنسعدين بحياتج
تحياتي وكل الود

[الطيّب الوسيم]

الصوج صوجج ليش فرطتي بيه مادام انتي تحبيه هلكد !!!!!!!!!!!!!!!!!! عليكي ان تتحملي العواقب واما الحل فعليكي ان تكون نفسج اكثر سبورتيه وتكولين ان الدنيه منتهت واذا راح يجي 10 غيره هم الرجال مخلصو ومراح يخلصون اختي مو لو اني غلطان !!! وصبّري نفسج واتمنى لكي كل التوفيق سلامي .

[Noor M. Hassan]

السلام عليكم و رحمة الله و بركاته ، طبعا اشكد قريتي في هذه المساحة نصائح و قد تكون تضمنت بعض اللوم ..الخ ، من وجهة نظري الكلام بسيط لكن الامر يتوقف على التطبيق و التطبيق في هكذا حالات صعب لذلك الحل الوحيد في كل امر هو بيد الله تبارك و تعالى ، توجهي الى الله جل و علا و استغفري و توبي و اساليه توبة نصوحة و ادعي لنفسج ان يهديج الى ما فيه رضاه فهو السعادة و التوفيق و هو يتولى الامر و لا تقلقين مدام توجهتي الى الرحمن الرحيم ، بالتوفيق عزيزتي دائما ان شاء الله

[إبتسـامة فـــآترة]

مرحبا ...

شوفي حبي اني مااكولج "اللي باعنا بعناه" لاااا ..بس انتي فكري بعقلانية
يعني هوة درة بيج اخت صديقة وجوارينهم ..ف هذي من الزينات اله!!
يكدر يكول لاخوج انو يحبج وكذا بدون ميذكر انه مسوي علاقة وياج وعادي يتقدملج
((اذا كان صادق وياج من البداية))

بس شوفي ..من محرم للان ..ورقمة مغلق ..ومكلف روحة يسأل عليج!!
اليحب يجاهد ياروحي انتي ..
ادري هذا الكلام صعب عليج بس صدكيني لويحبج ما جان عافج ..لاااا مستحيل
اللي يحب لا يترك ولايخون ..
نصيحتي الج حاولي تنسي ولو من المستحيل خصوصا لو كان حبج اله صادق
بس حاولي ..
اشغلي روحج باشياء هواي ..مثلا شغل بيت ..واجبات مدرسة ..او هواياتج
بحيث من التعب تفكرين بس انو تنامين وترتاحين بدون متتذكري
وعودي روحج وان شاءالله ح تنسي ..

حبيبتي نصيحة مني الج ..واعتبريني اختج او صديقتج
لا تذلين روحج لواحد باعج ..
انتي الله خلقج معززة مكرمة
.
وديري بالج ع روحج زين ..ولا تزعلين الماما والبابا منج وترجعين تتصلين بعد مااخذوا موبايلج
الله يريح بالج