اكاسر بالزعل لو مر وكت العتاب
وترس كاس المراضه الآه والشكوه
على واهس خنجرك مشيت ظهري وياك
اكلهم شوفوا ظهري بخجره شسوه
گلبك مو جرف بس كفر مرسى يصير
هم سامع ورد من الندى اتجوه؟؟
اذا مرك عطش ..اعثر نهر بشفاك
سهله بطيحتي عندي المهم تروه
النهر من يختنك .. بتذكر الغركان
يعظ روجة ندم وبماي يتلوه
ما البس دمع الا على عيني يلوك
ماتكشخ عيوني بدمع ما يسوه
ظلك من عثر..بالشمس جان الصوج
وانا بخيط الفجر بي جلبت گوه
بظلك جلبت في للشمس سويت
كلت راسي الشماته تصيح مو هوه
كبر بيه جسر مو جرح .. طوله احساس
بي تعبر صفنتي بواهس ونشوه
كل خطوة جرح ارجع عشر لجمات
وحگك من رحت ما تيهت خطوه
امس من سولفت نصيت صوت الليل
حتى السكته تسمع كل حزن كوه
وشيكفي السهر وبراسي لك جم ليل
اصيح اعلى الشمس راس الفجر يخوه
ע تشعل شمع لابس ظلام الريح
وضوه واهس شمعتي اعلى الشمس ضوه
عرفته الماخذك ما يسوه ظل ممشاك
وروحي بغير روحك ما اظن تسوه
========================
منقووول
رد مع اقتباس
المشاركة الأصلية كتبت بواسطة منير العادلي
