ألبقيه بحبنه ابشرك عزة الــــــشمات
على حبنه القديم المازعل مـــــــــــره
على ذيج الســـــنين البيهه جان الناس
تتوضى بحجينه وتاــــــــــــــخذ العبره
سولفلي اعله حالك تذكر الايـــــــــــام
هم مثلي تحن لو ناسي للعشـــــــره
اني ابالي شجرة اوراقهه الضحــــــكات
من يمر حنينك تنكلب حــــــــــــــسره
احن الكل مكان البي كعـــــــــــدت وياك
وحن لمسامرك وجفوفك السمــــــــــره
تصوم شفايفك من جنت احجي ويــــاك
بس وداعتك اقراهه بالحـــــــــــــــمره
صح بيهن خجل بيهن حرام و عيب
بس بيهن تعال وطفي هل جمـــــــــره
احن للشــــــجرة تذكر من كعدنه هناك
وجه حتى الورد من عدنه اخذ عطـــــره
عشت وياك جاهل يقنع بأي شـــــــــي
اذا حظنته امه يشكك الســـــــــــــــطره
========================
منقووول
رد مع اقتباس
المشاركة الأصلية كتبت بواسطة ALBAHAR
