هنا

[أنثى حائرة]

صبح الخير شلونك شخباركم اصدقائي يارب تكونون بخير

اني بس حبيت احجيلكم عني بصراحه واتمنى اتساعدوني
اني بنت ناس مربايه ومن بيت معروفين بالتربيه والاخلاق عمري ١٩


والله العظيم اني جنت ملتزمه بالصلاه وقرأه القرآن وابد مامسوي شي خطأ
بس اني سويت خطأ جبير كولش حالياً تعرفت عن طريق الجات عن شاب وضليت احجي ويا علاقه اخويه بالبدايه وشويه شويه كام يحجي ويايه كلام يعني مااكدر احجي والله استحي كلام متزوجين !! اني جنت امانع وحاولت بكل الطرق امنعه من هذا الكلام خوفي من الله بس هو جان مُصر ولحه الزايد خلاني اسكت
طبعاً هو وعدني بالزواج وكلي اني احبج وانتي كل حياتي واني حبيته كولش وبعدين شويه شويه اتصل عليه مكالمه صوتيه وحجه ويايه والله حتى مااحجي ويا لان استحي اطلع صوتي وهو يكلي شبيج احجي واني كوه احجي كلمه وبعدين يوم ع يوم تعودت عليه كولش ..
اتمنى فهمتوني والله هو اني مافاهمه نفسي ومااعرف شلون احجيلكم اريدكم تساعدوني والله ماعندي غيركم اشكي همي اني اريد ابقه ويا احبه ومااريد استمر ويا اخاف من الحرام .. واني هسه شلون بيه كلي ذنوب الله مراح يقبل توبتي لان من بديت احجي ويا لهسه اني كله اسوي ذنوب
ادري راح ترزلوني هسه بس والله مااعرف شسوي مثل الطفله وعقلي مو براسي طايش والله احس نفسي ضايعه اني بس اريد منك تكلولي شسوي

وجداً اسفه ع الاطاله وشكرا لكم لان شفتو مشكلتي بس فدوه ساعدوني

[Samee Adnan]

اخيتي عوفيه لان هذا الانسان مايفيدج وكاعد يضحك عليج اخذي احجايتي وعوفيه وابد لاتتكلمين اوياه نصيحه اخويه

[محمد صبيح]

وهل هناك شيء يجب ان تفعليه أزاء هذهِ الترهات ؟

الحل بيديكِ اختي العزيزة ، إذ لاناصح ولا جابر أمام كسر القوارير !!
سوف تندمين وحدكِ ، وتحملين عبئ أخطائكِ وتمضين لحيث الضياع ،

أنا اتكلم هكذا لو افترضنا ان حبيبكِ يحبكِ ولكن بطريقة خاطئة ، ولكنّه بـ اقتراف السوء الذي سال من فمه ، لا شكّ أنه ليس حبيبٌ
بقدر سذاجة المحاولة

[ملاك96]

السلام عليكم أختي

عزيزتي .. الحقيقة الحقيقة ماكو زواج ناجح عن طريق النت .. وهذا كُله فقط تمشية وقت وحمل للذنوب

راح تكَولين لا احبه وهو يحبني .. بس هذا مجرد وهم .. صدكَيني
ثقي وأعتقدي بالله أن هذا الي تحبينه يحجي ويا غيرج همين وحاب قبلج كومه وراح يحب من بعدج همين .. ايي نعم من بعدج لأن ماراح يتزوجج واصلاً ما يحبج من صدكَ.. بعدين تزعجني كلمه حابج ويحب .. خل نكَول ضاحك على غيرج وعليج ومن بعدكم همين .. ايي نعم ضاحك عليكم
والدليل كلامه الي كَلتي عنه ما ينحجي.. يا عيني الحب مو كلام مدري شلون متصورين الحب على انه كلام كله غزل ومشاعر !!! تشوهت صورة الحب والله

ادري ماراح تقتنعين بكلامي.. بس يا عزيزتي تحزنني مثل هذي القصص .. لأن اشوف البنات مخدوعات بوهم هن يتصورنه وعايشاته علساس هو واقع وهالشي خطأ .. وخلي دائماً ببالج شي واحد .. ماكو حب قبل الزواج .. من تتزوجين يله تحبين من صدكَ اما هلاحساس الي تسمينه بالحب هو بالأصل مجرد تعويد يعني انتي تعلمتي على وجوده وعلى حجيه وماتكدرين تتخيلين ان يجي يوم ماتحاجينه بيه او هو مجرد أعجاب .. فلا تكَولين أحبه ويحبني

اتمنى تقرين كلامي أكثر من مرة واتمنى ان تقتنعين بيه ومو بس تقتنعين انما تطبقينه همين .. بعدج بنيه بقمة شبابج ليش تستمرين بهالذنوب
انتي مو تخافين من الله وتعترفين على ان الي جاي تسوينه ذنب..! إذاً لا تستمرين بالذنب حتى لا توكَعين بمعصية رب العالمين
و أتركي هالشاب وغيري رقمج واغلقي كل حساباتج الي يعرفهه لا تخلينه يوصللج بعد .. وكَولي ان الي جاي تسويه انتِ علمود رضا الله وشوفي شلون رب العالمين راح يوفقج ويفتحها بوجهج ويرضيج لأن أرضيتيه ..

اني ما حبيت اكولج بس اتركيه وما يفيدج وحرام .. انما حبيت ان أقدملج نصيحة . صح ما اعرفج بس ما يهون علي اشوف انسان يتأذى وما اساعده ولو بكلام لأن ما اكَدر اسوي شي ولا بيدي عليج شي ..

وارجع و أكولج أتمنى أن تقرين كلامي أكثر من مره وتقتنعين بيه ..


الكل يعرف الحق والحقيقة .. بس المؤمن القوي هو الي يتبعهن مو يضل يتأسف عليهن



تحياتي الج .. ويارب الهداية والتوفيق ^_^

[Christine]

مجرد شخص عابث ارجو منك تركه حتى لا تتلوثي اشخاص مثله لا ضمير لديهم يسعون خلف الغريزه فقط لا يعرف شيء عن الحب ارى أنك واقعه تحت تأثيره ان لو تكوني على طبيعتك معه فهذا ليس حب اتمنى ان تتسمتعي لكلام الاخوه حتى لا تندمي اشد الندم

[Eng Fatima]

عزيزتي الافضل ان تركيه لان هذا الطريق خاطئ وهذا الي تسمي حب انتي كلتي اني تعودت علي يعني هي مجرد تعويد اتركيه واجبري نفسك على تصديه ...تعوذي من الشيطان لان هذي من وساوسه ونزغاته واصلحي خطأج بكسر التعويد وجبر نفسج على تركة وتوبي الى الله هو الغفور الرحيم يقبل التوبة النابعة من قلب صادق والله سبحانه وتعالى قدر لكل انسان نصيب لا يتغير فأنتضري نصيبج الي الله كاتبة واجعليه هوالاول والاخير بالدخول لقلبج حتى تكون حياتج سعيدة ومابيهة اية مخاوف ....وياربي يصلحلج بالج وتذكري حياتج انتي المسؤؤلة عنهة واي شي تسوي فكري بي اذا جان راح يندمج بالمستقبل واكيد تعرفين طريق الندم مابي رجعة .......وتأكدي لو ابتعدتي عن هذي الامور وامنتي بقسمة الله سبحانة راح تكون حياتج افضل بكثير وتذكري هذا دائما (المكتوب الك ميصير الغيرك )......

[*Rafa*]

كل الكالو الاخوة صح واني رايي من راييهم ابحثي عله هيج قصص وراح اتشوفين اهواي ناس ندمت ودمرت قبلج واليحب صدك يروح يخطب شينتظر اظيع من ايده واني مااؤمن بالحب ماكو حب صدكيني الحب الحقيقي بعد الزواج وخلي حبج الاول الزوجج
اتمنالج الهدايخ والتوفيق

[Elegant]

مدام حجه وياج بالتليفون وعرفج المفروض يسوي الخطوه الثانيه وهيه الخطوبه والا هو ميريدج

[محمد باقر]

مع الأسف تركت الصلاة والقرآن واتبعتي الشيطان هذا الشاب مو مال زواج بس اكلج فكري باهلج شكد تعبوا عليج تاليه هيج اجازيهم اتركيه نصيحة قبل فوات الأوان

[محمد باقر]

مدام حجه وياج بالتليفون وعرفج المفروض يسوي الخطوه الثانيه وهيه الخطوبه والا هو ميريدج

حبيبي هذا مو مال زواج يريد يقضى وقت أقر الكلام زين وحلل